བོད་རྒྱལ་ལོ་ ༢༡༤༦ ཟླ་བ ༨ ཚེས་ ༡༨ དང་༡༩ ། ཕྱི་ལོ་༢༠༡༩ཟླ་༡༠ཚེས་༡༦དང༡༧བཅས་ཉིན་གཉིས་རིང་བློ་གླིང་སྤྲུལ་པའི་གཙུག་ལག་ཁང་དུ་བཀའ་རབ་འབྱམས་དགེ་བའི་བཤེས་གཉེན་གནས་བརྟན་བགྲེས་པ་དབུས་གསང་སྔགས་སློབ་གཉེར་བ་རྣམས་དང་དགེ་བཤེས་བཅས་ལྷན་འཛོམས་ཐོག་གསང་སྔགས་རྒྱུད་སྡེ་བཞི་དང་ལམ་རིམ་པ་གཉིས་ཀྱི་ཐོག་བགྲོ་གླེང་དང་།དེའི་ཕྱི་ཉིན་གསང་སྔགས་སྤྱི་དང་རྒྱུད་སྡེ་བཞིའི་སྐོར་ལ་དོགས་གཅོད་རྒྱས་པ་བཅས་གནང་ཡོད།
༅།།ཕྱི་ལོ་༢༠༡༩ལོའི་ཆོས་སྡེ་ཆེན་པོ་དཔལ་ནཱལནྡཱ་གཉིས་པ་གྲགས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གིས་ཁམས་གསུམ་འགྲོ་བའི་བླ་མ་མཉམ་མེད་ཤར༧རྒྱལ་བ་ཙོང་ཁ་པ་ཆེན་པོ་སྐུ་མྱ་ངན་འདས་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་ཆེད་གསང་སྔགས་རྒྱུད་སྡེ་བཞི་དང་ལམ་རིམ་པ་གཉིས་ཀྱི་མཁས་པའི་བགྲོ་གླེང་དང་དོགས་གཅོད་སོགས་ཚོགས་གནང་བ།
དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གིས་རྗེ་ཙོང་ཁ་པ་ཆེན་པོ་སྐུ་མྱ་ངན་ལས་འདས་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་ཆེད་ཆོས་ཕྱོགས་ཀྱི་མཛད་རིམ་མང་དུ་ཡོད་པ་ལས།
བོད་རྒྱལ་ལོ་ ༢༡༤༦ ཟླ་བ ༨ ཚེས་ ༡༨ དང་༡༩ ། ཕྱི་ལོ་༢༠༡༩ཟླ་༡༠ཚེས་༡༦དང༡༧བཅས་ཉིན་གཉིས་རིང་བློ་གླིང་སྤྲུལ་པའི་གཙུག་ལག་ཁང་དུ་བཀའ་རབ་འབྱམས་དགེ་བའི་བཤེས་གཉེན་གནས་བརྟན་བགྲེས་པ་དབུས་གསང་སྔགས་སློབ་གཉེར་བ་རྣམས་དང་དགེ་བཤེས་བཅས་ལྷན་འཛོམས་ཐོག་གསང་སྔགས་རྒྱུད་སྡེ་བཞི་དང་ལམ་རིམ་པ་གཉིས་ཀྱི་ཐོག་བགྲོ་གླེང་དང་།དེའི་ཕྱི་ཉིན་གསང་སྔགས་སྤྱི་དང་རྒྱུད་སྡེ་བཞིའི་སྐོར་ལ་དོགས་གཅོད་རྒྱས་པ་བཅས་གནང་ཡོད།
དེ་ཡང་ཉིན་དང་པོའི་ཉིན་སྐུ་མགྲོན་གཙོ་བོ་༧སྐྱབས་རྗེ་མཁན་རིན་པོ་ཆེ་རྗེ་བཙུན་བློ་བཟང་བསམ་གཏན་དཔལ་བཟང་པོ་མཆོག་དང་།དམིགས་བསལ་སྐུ་མགྲོན་༧སྐྱབས་རྗེ་རྒྱུད་སྨད་མཁན་ཟུར་རིན་པོ་ཆེ་རྗེ་བཙུན་མཐུ་སྟོབས་མགོན་པོ་དཔལ་བཟང་པོ་རྣམ་གཉིས་ཀྱིས་མར་མེ་ཞལ་ཕྱེ་གནང་བ་དང་།༧རྒྱལ་བའི་སྐུ་དཔར་མཐོང་གྲོལ་རིན་པོ་ཆེར་མཇལ་དར་བཅས་འབུལ་བ་དང་འབྲེལ་བགྲོ་གླེང་གི་ཚོགས་མགོན་དུ་ཆིབས་བསྒྱུར་གནང་གྲུབ་རྗེས།
དབུ་མཛད་དགེ་བཤེས་གཙུག་ལག་རྒྱ་མཚོ་མཆོག་གིས་སྐྱབས་འགྲོ་སེམས་བསྐྱེད་དང་དགའ་ལྡན་ལྷ་བརྒྱ་སོགས་འདོན་སྐུལ་གནང་སྟེ་གསོལ་ཇ་དང་ཞལ་ཟས་འདེགས་འབུལ་ཞུས།༧སྐྱབས་རྗེ་མཁན་རིན་པོ་ཆེ་མཆོག་གིས་འཇམ་མགོན་བླ་མ་ཙོང་ཁ་པ་ཆེན་པོ་དགོངས་པ་གཞན་དོན་དུ་གཤེགས་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་དང་འབྲེལ་བའི་བཀའ་སློབ་གནང་གྲུབ་པ་དང་།
སྔ་དྲོའི་ཚོགས་ཐེངས་དང་པོའི་བགྲོ་གླེང་ཐོག་དགེ་བའི་བཤེས་གཉེན་ཆེན་པོ་དགེ་བཤེས་བློ་བཟང་ལྷུན་འགྲུབ་མཆོག་གིས་གཙོ་སྐྱོང་གནང་བ་དང་།
དང་པོར་དགེ་བའི་བཤེས་གཉེན་ཆེན་པོ་དགེ་བཤེས་བློ་བཟང་རྒྱ་མཚོ་མཆོག་གིས་རྫོགས་རིམ་སྨད་ཆའི་ཐོག་རྩོམ་ཤོག་སྒྲོག་སྦྱོང་གནང་སྟེ། སྔགས་འཛིན་གྲྭའི་སློབ་གཉེར་བ་རྣམས་དང་དགེ་བཤེས་རྣམས་ཀྱིས་དྲི་བ་དྲི་ལན་ལྷུག་སྩོལ་གནང་། གཉིས་པར་དགེ་བའི་བཤེས་གཉེན་ཆེན་པོ་དགེ་བཤེས་ཟླ་བ་ཚེ་རིང་མཆོག་གིས་རྫོགས་རིམ་སྟོད་ཆའི་ཐོག་རྩོམ་ཤོག་སྒྲོག་སྦྱོང་གནང་བ་དང་། སྔགས་འཛིན་གྲྭའི་སློབ་གཉེར་བ་རྣམས་དང་དགེ་བཤེས་རྣམས་ཀྱིས་དྲི་བ་དྲི་ལན་ལྷུག་སྩོལ་གནང་།
ཕྱི་དྲོའི་བགྲོ་གླེང་ཚོགས་ཐེངས་གཉིས་པའི་ཐོག་དགེ་བའི་བཤེས་གཉེན་ཆེན་པོ་དགེ་བཤེས་ཡེ་ཤེས་ལྷུན་འགྲུབ་མཆོག་གིས་གཙོ་སྐྱོང་གནང་བ་དང་། དང་པོར་དགེ་བའི་བཤེས་གཉེན་ཆེན་པོ་དགེ་བཤེས་ཕུན་ཚོགས་བསྟན་འཛིན་མཆོག་གིས་བསྐྱེད་རིམ་ཐོག་རྩོམ་ཤོག་སྒྲོག་སྦྱོང་གནང་བ་དང་། སྔགས་འཛིན་གྲྭའི་སློབ་གཉེར་བ་རྣམས་དང་དགེ་བཤེས་རྣམས་ཀྱིས་དྲི་བ་དྲི་ལན་ལྷུག་སྩོལ་གནང་།
གཉིས་པར་དགེ་བའི་བཤེས་གཉེན་ཆེན་པོ་དགེ་བཤེས་བསྟན་འཛིན་དཔལ་མཆོག་མཆོག་གིས་རྒྱུད་སྡེ་འོག་མའི་ཐོག་རྩོམ་ཤོག་སྒྲོག་སྦྱོང་གནང་བ་དང་། སྔགས་འཛིན་གྲྭའི་སློབ་གཉེར་བ་རྣམས་དང་དགེ་བཤེས་རྣམས་ཀྱིས་དྲི་བ་དྲི་ལན་ལྷུག་སྩོལ་གནང་གྲུབ་རྗེས།ཕྱག་མཛོད་ཁྲི་པ་དགེ་བཤེས་བློ་བཟང་ཟླ་བ་མཆོག་གིས་སྐུ་མགྲོན་གཙོས་གཙོ་སྐྱོང་བ་དང་གསུང་བཤད་པ་རྣམས་ལ་ཐུགས་རྗེ་ཆེ་ཞུའི་གཏམ་བཤད་འབྲེལ་མཇར་དརབཤེས་བློ་བཟང་ཟླ་བ་མཆོག་གིས་སྐུ་མགྲོན་གཙོས་གཙོ་སྐྱོང་བ་དང་གསུང་བཤད་པ་རྣམས་ལ་ཐུགས་རྗེ་ཆེ་ཞུའི་གཏམ་བཤད་འབྲེལ་མཇར་དར་འབུལ་བཞེས་དང་འབྲེལ།དབུ་མཛད་མཆོག་གིས་བློ་བཟང་རྒྱལ་བསྟན་མ་དང་བསྔོ་སྨོན་ཤིས་ཚིག་བཅས་དབུ་སྐུལ་གནང་གྲུབ་རྗེས་གསང་སྔགས་རྒྱུད་སྡེ་བཞི་དང་ལམ་རིམ་པ་གཉིས་ཀྱི་མཁས་པའི་བགྲོ་གླེང་དེ་བཞིན་བཀྲ་ཤིས་པའི་ངང་གྲོལ་བར་མཛད།
ཕྱི་ཉིན་ཡང་དེ་བཞིན་སྐྱབས་རྗེ་མཁན་ལས་ཟུར་རྣམ་གཉིས་དབུ་བཞུགས་ཐོག་མཁས་དབང་རྣམས་དང་སློབ་གཉེར་བ་རྣམས་ཀྱིས་གསང་བ་སྔགས་ཀྱི་ཐོག་ལུང་རིགས་ཀྱི་བརྒལ་བརྟག་མཛད་དེ་དོགས་གཅོད་རྒྱས་པ་གནང་སྟེ་བཀྲ་ཤིས་པའི་ངང་གྲོལ་ཡོད་པ་བཅས་སོ།།
