༡༽ ཧོར་ཟླ་དང་པོ་ཚེས་གཅིག་ནས་བཅོ་ལྔའི་བར་ཆོ་འཕྲུལ་དུས་ཆེན་ཡིན། དེར་ལྷ་ལྡན་སྨོན་ལམ་ཆེན་མོ་ཚུགས།
༢༽ ཧོར་ཟླ་བཞི་པ་ས་གའི་ཟླ་བའི་དུས་བཟང་ལ་འབྲས་སྤུངས་ཚོགས་ཆེན་དུ་རྒྱན་འཇུག་གཉིས་ཀྱི་སྐྱོར་བརྡ་དང་། གྲྭ་ཚང་དུའང་རྒྱན་འཇུག་གཉིས་ཀྱི་སྐྱོར་བརྡ་དང་བླ་མ་མཆོད་པའི་ཚོགས་མཆོད་གནང་དགོས། ཚེས་བཅོ་བརྒྱད་ཉིན་རྗེ་འཇམས་དབྱངས་ཆོས་རྗེའི་འདས་མཆོད་བྱེད།
༣༽ ཧོར་ཟླ་དྲུག་པའི་ཚེས་བཞི་ཉིན་ཆོས་འཁོར་དུས་བཟང་ལ་འབྲས་སྤུངས་ཚོགས་ཆེན་དུ་རྒྱན་འཇུག་གཉིས་ཀྱི་སྐྱོར་བརྡ། གྲྭ་ཚང་དུ་རྒྱན་འཇུག་གཉིས་ཀྱི་སྐྱོར་བརྡ། ཚེས་སུམ་ཅུ་ཉིན་འབྲས་སྤུངས་ཞོ་སྟོན་དུས་ཆེན་ཞེས་ཡོངས་སུ་གྲགས་པ་དེ་ཡིན།
དུས་བཟང་འདིའི་སྐབས་འབྲས་སྤུངས་ཚོགས་ཆེན་ཞལ་ངོ་གསར་རྙིང་བརྗེ་བ་དང་གྲྭ་ཚང་འདིའི་དགེ་སྐོས་གསར་པ་ཁྲི་སྟོན་མཛད་སྒོ་སྐྱོང་།
༤༽ ཧོར་ཟླ་བདུན་པའི་ཚེས་བརྒྱད་ཉིན་ཀླུ་འབུམ་དུས་བཟང་ཡིན། དེའི་ཉིན་འབྲས་སྤུངས་ཚོགས་ཆེན་གྱི་རྒྱལ་མཚན་མཐོན་པོ་མན་ཆད་ནས་གྲྭ་ཚང་ཁག་དང་ཁང་ཚན་ཁག་བཅས་སུ་རྩ་ཆེན་རྟེན་གསུམ་གང་ཡོད་ལ་སྤོས་བསྐོར་དང་མཇལ་ཁ་ཞུ་གི་ཡོད།
༥༽ བོད་ཟླ་དགུ་པའི་ཚེས་ཉེར་གཉིས་ཉིན་ལྷ་བབ་དུས་ཆེན་ཡིན། ཚོགས་ཆེན་དུ་རྒྱན་འཇུག་གཉིས་ཀྱི་སྐྱོར་བརྡ་དང་གྲྭ་ཚང་དུ་དུས་བཟ་གི་སྲོལ་ལྟ་ཐུབ་བསྟོད་ཁག་དང་རྒྱན་འཇུག་གཉིས་ཀྱི་སྐྱོར་བརྡ་དང་བླ་མཆོད་ཚོགས་འཁོར་བཅས་སོ། །
༦༽ བོད་ཟླ་བཅུ་པའི་ཚེས་ཉེར་ལྔ་ཉིན་དགའ་ལྡན་ལྔ་མཆོད་ཆེན་མོ་ཡིན། ཚོགས་ཆེན་དུ་རྗེའི་བསྟོད་ཚོགས་ཁག་དང་རྒྱན་འཇུག་གཉིས་ཀྱི་སྐྱོར་བརྡ་དང་། གྲྭ་ཚང་དུ་ཡང་རྗེའི་བསྟོད་ཚོགས་ཁག་དང་། རྒྱན་འཇུག་གཉིས་ཀྱི སྐྱོར་བརྡ་དང་། བླ་མ་མཆོད་པའི་ཚོགས་མཆོད་བཏོན་ཏེ ་གློག་མཆོད་དང་མར་མེའི་ཕྲེང་བ་བསྟར་ཞིང་དམིགས་བརྩེ་མའི་གདུང་དབྱངས་སྙན་པོ་འཐེན་དགོས་པ་བཅས་སོ། །
༧༽ བོད་ཟླ་བཅུ་གཅིག་པའི་ཚེས་བཅུ་བཞི་ཉིན་འཇམ་མགོན་རྒྱལ་བའི་གདུང་འཚོབ་ཁྲི་ཐོག་བཅོ་ལྔ་པ་མདོ་སྔགས་རབ་འབྱམས་སྨྲ་བ་པཎ་ཆེན་བསོད་ནམས་གྲགས་པའི་དགོངས་རྫོགས་དུས་བཟང་ཡིན། ཚོགས་ཆེན་དུ་རྒྱན་འཇུག་གཉིས་ཀྱི་སྐྱོར་བརྡ་དང་གྲྭ་ཚང་དུའང་པཎ་ཆེན་གསོལ་འདེབས་དང་རྒྱན་འཇུག་གཉིས་ཀྱི་སྐྱོར་བརྡ་དང་བླ་མ་མཆོད་པའི་ཚོགས་མཆོད་དང་། གློག་མཆོད་དང་མར་མེའི་ཕྲེང་བ་སྤེལ་ཏེ་དམི གས་བརྩེ་མའི་གདུང་དབྱངས་སྙན་པོ་སྒྲོག་དགོས་པ་ལགས་སོ།།
༨༽ བོད་ཟླ་བཅུ་གཉིས་པའི་ཚེས་ཉི་ཤུ་ལྔའི་ཉིན་ཡོངས་འཛིན་གླིང་རིན་པོ་ཆེའི་དགོངས་རྫོགས་དུས་ཆེན་ཡིན། ཚོགས་ཆེན་དུ་རྒྱན་འཇུག་གཉིས་ཀྱི སྐྱོར་བརྡ་དང་། གྲྭ་ཚང་དུ་བླ་མ་མཆོད་པའི་ཚོགས་འཁོར་དང་གཞུང་ཆེན་ཁག་གི་སྐྱོར་བརྡ་དང་གློག་མཆོད་དང་མར་མེའི་ཕྲེང་བ་རྒྱ་ཆེ་བསྟར་བ་སོགས་གནང་དགོས།