གདན་ས་གྲྭ་ཚང་ཁག་ལྔ་དང་རྫོང་དཀར་ཆོས་སྡེ་བཅས་ནས་བདམས་ཐོན་བྱུང་བའི་དགེ་འདུན་པ་དྲུག་ལ་སློབ་སྦྱོང་མཐར་ཕྱིན་ཡོང་བའི་བཀྲིས་བདེ་ལེགས་ཀྱི་ཁ་བཏགས་བསྒྲོན་ཏེ་ཕེབས་སྐྱེལ་ཞུས།
༄༅། །ཕྱི་ལོ་ ༢༠༡༩ ཟླ་ ༥ ཚེས་ ༡༤ ཉིན་ཨེ་མོ་རི་གཙུག་ལག་སློབ་གྲྭར་ཚན་རིག་སློབ་སྦྱོང་བྱ་ཕྱིར་དུ་གདན་ས་གྲྭ་ཚང་ཁག་ལྔ་དང་རྫོང་དཀར་ཆོས་སྡེ་བཅས་ནས་བདམས་ཐོན་བྱུང་བའི་དགེ་འདུན་པ་དྲུག་གིས་འབྲས་བློ་གླིང་གྲྭ་ཚང་གི་སྒོམ་སྒྲུབ་དང་ཚན་རིག་ལྟེ་གནས་ཁང་དུ་ཟླ་བ་དྲུག་རིང་གི་དབྱིན་ཇིའི་སྐད་ཡིག་སློབ་སྦྱོང་བྱས་ཏེ་མཇུག་བསྒྲིལ་ཅིང་། འབྲས་བློ་གླིང་གྲྭ་ཚང་གི་ཕྱག་མཛོད་དང་། སྒོམ་སྒྲུབ་དང་ཚན་རིག་ཁང་གི་ཟུང་སྦྲེལ་འགན་འཛིན། དགེ་རྒན་རྣམས་ཀྱིས་ཁོང་རྣམ་པའི་འབད་བརྩོན་ལ་རྗེས་སུ་ཡི་རང་དང་སླད་མར་ཁོང་རྣམ་པར་ཨེ་མོ་གཙུག་ལག་སློབ་གྲྭར་ཚན་རིག་སློབ་སྦྱོང་མཐར་ཕྱིན་ཡོང་བའི་བཀྲིས་བདེ་ལེགས་ཀྱི་ཁ་བཏགས་བསྒྲོན་ཏེ་ཕེབས་སྐྱེལ་ཞུས།
