བོད་རྒྱལ་ལོ་༢༡༤༦ ཟླ་བ་ ༩ ཚེས ༡༧ དང་།ཕྱི་ལོ་༢༠༡༩ལོའི་ཟླ་༡༡ཚེས་༡༤དང་།རེས་གཟའ་ཕུར་བུ་ཉིན་གྱི་ས་སྲོད་དུས་སུ་སྐུ་རིམ་འཚོགས་པ་དང་དུས་མཚུངས་སློབ་གཉེར་བ་རྣམས་གྲལ་ཟླ་གམ་ལྟ་བུ་བྱས་ཏེ་སྲོད་ཆོས་ཆེན་མོ་འཚོགས་ཡོད།སྲོད་ཆོས་ཆེན་མོ་ཞེས་པ་ནི་གྲྭ་ཚང་འདི་ཉིད་ཀྱི་བྱེད་སྒོ
༄༅། །གནའ་དེང་རིག་པའི་གཞུང་ལུགས་མཐའ་དག་ལ་ནང་བྱན་ཆུབ་ཅིང་། རབ་འབྱམས་སྨྲ་བ་ཀུན་གྱི་གཙུག་གི་རྒྱན་དུ་གྱུར་པ་༧འཕགས་མཆོག་ཕྱག་ན་པདྨོའི་བཀའ་ཡི་མདུན་ན་འདོན་ཆེན་པོ་བཀའ་བློན་ཁྲི་ཟུར་མཁས་དབང་སྐྱབས་རྗེ་སློབ་དཔོན་༧ ཟམ་གདོང་རིན་པོ་ཆེ་མཆོག་དགུང་གྲངས་བརྒྱད་ཅུ་ལ་ཕེབས་པའི་༧སྐུའི་འཁྲུངས་སྐར་གྱ་སྟོན་སྲུང་བརྩི་ཞུ་བའི་མཛད་སྒོ་འཚོགས་པ།
བོད་རྒྱལ་ལོ་༢༡༤༦ ཟླ་བ་ ༩ ཚེས ༥ དང་༦ ། ཕྱི་ལོ་༢༠༡༩ ལོའི་ཟླ་ ༡༡ ཚེས་༡ དང ༢ རེས་གཟའ་པ་སངས་དང་སྤེན་པ་ཉིན་གཉིས་རིང་འབྲས་བློ་གླིང་གཙུག་ལག་ཁང་གི་མགོན་ཁང་གསར་པའི་ནང་དམ་ཚིག་གི་མགོན་པོ་དྲག་པོ་གཟི་ལྡན་དབང་ཕྱུག་གམ་སྟོབས་འཕྲོག་ནག་པོ་ཆེན་པོ་དཔལ་མགོན་ཞལ་བཞི་པ་ཆེན་པོ་དང་། མགོན་དཀར་ཡིད་བཞིན་འཁོར་ལོ།རྒྱལ་པོ་ཆེན
༄༅། །ཕྱི་ལོ་༢༠༡༩ ལོའི་ཆོས་སྡེ་ཆེན་པོ་དཔལ་ནཱལནྡཱགཉིས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོའི་ཟུར་རྒྱུགས་དང་། གྲྭ་ཚང་གི་སློབ་གཉེར་རྣམས་ཀྱིས་རྒྱུགས་ཆེན་མོ་བཅས་ལེགས་པར་གྲུབ་ནས་གྲུབ་འབྲས་ཤོག་ལྷེབ་ཐོབ་སྐལ་འབུལ་བ།
༅།།ཕྱི་ལོ་༢༠༡༩ལོའི་ཆོས་སྡེ་ཆེན་པོ་དཔལ་ནཱལནྡཱ་གཉིས་པ་གྲགས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གིས་ཁམས་གསུམ་འགྲོ་བའི་བླ་མ་མཉམ་མེད་ཤར༧རྒྱལ་བ་ཙོང་ཁ་པ་ཆེན་པོ་སྐུ་མྱ་ངན་འདས་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་ཆེད་གསང་སྔགས་རྒྱུད་སྡེ་བཞི་དང་ལམ་རིམ་པ་གཉིས་ཀྱི་མཁས་པའི་བགྲོ་གླེང་དང་དོགས་གཅོད་སོགས་ཚོགས་གནང་བ།
བོད་རྒྱལ་ལོ་༢༡༤༦ ཟླ་བ་ ༧ ཚེས ༡༣ དང་༡༤། ཕྱི་ལོ་༢༠༡༩ ལོའི་ཟླ་ ༩ ཚེས་༡༡ དང ་༡༢ ཉིན་གཉིས་རིང་། ཆོས་སྡེ་ཆེན་མོ་དཔལ་ན་ལེནྡྲ་གཉིས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་འདི་ལོའི་ལོ་འཁོར་རྒྱུགས་སྤྲོད་ཆེན་མོའི་ཁོངས་དགེ་བཤེས་རྣམས་ཀྱིས་གསང་སྔགས་ཀྱི་རྩོད་རྒྱུགས་དང་བྲིས་རྒྱུགས་སྤྲད་ཡོད་ཅིང་། དགེ་བཤེས་ཐོན་པ་དང་དཔལ་ལྡན་སྨད་སྟོད་ཀྱི་ཆོས་ཐོག་གྲུབ་རྗེས་གྲྭ་ཚང་ལ་ཕྱིར་ཕེབས་གནང་སྟེ་སླར་ཡང་ལོ་གསུམ་རིང་གསང་སྔགས་ལ་ཐོས་བསམ་བྱེད་དགོས་པ་མ་ཟད་ལོ་གསུམ་རིང་རྒྱུགས་སྤྲོད་ཀྱང་གནང་དགོས། དེར་བརྟེན་གསང་སྔགས་འཛིན་གྲྭ་གསུམ་ཡོད་པ་དང་། ཕྱི་ཚེས༡༧ ནས་༡༩ བར་ཉིན་གསུམ་རིང་སློབ་གཉེར་བ་སྤྱི་བྱིངས་ཀྱིས་བྲིས་རྒྱུགས་ཆེན་མོ་བྱས་ཡོད་པ་དང་། བྲིས་རྒྱུགས་ལ་ཀ་སྡེ་དང་ཀ་སྡེ་གཉིས་ལས་ཀ་སྡེ་ནི་རྟགས་རིགས་འཛིན་གྲྭ་ནས་མཛོད་བར་གཞུང་ཚན་སོ་སོའི་དྲི་བ་ལ་ལན་འདེབས་དགོས་པ་དང་། ཁ་སྡེ་ལ་རྟགས་རིགས་འཛིན་གྲྭ་ནས་ཕར་ཕྱིན་སྐབས་ལྔ་པའི་བར་དག་ཡིག་དང་། སུམ་ཅུ་པ། རྟགས་འཇུག ། ཆོས་འབྱུང་། སྙན་ངག། བྱང་ཆུབ་སེམས་དཔའ་རྟག་ཏུ་ངུ་དང་། བྱང་ཆུབ་སེམས་དཔའ་གྲགས་པ་བྱང་ཆུབ་ཀྱི་རྟོགས་བརྗོད་སོགས་འཛིན་གྲྭ་སོ་སོར་གང་འཁེལ་བ་རྣམས་རྒྱུགས་སྤྲོད་འབུལ་ལམ་ཞུས་ཡོད། དེ་ལ་སྐྱབས་རྗེ་མཁན་རིན་པོ་ཆེ་མཆོག་དབུས་བླ་མ་གཞུང་ལེན་པ། ཁྲིམས་བདག་དགེ་བསྐོས་མཆོག་དང་ཆབ་རིལ། ཕྱག་མཛོད་ཁྲི་པ། རྒྱུགས་ཞིབ་ལྷན་ཚོགས་ཁག་གིས་སྐོར་གཡེང་བྱས་ནས་གཟིགས་ཞིབ་གནང་གི་ཡོད། དེ་ཡང་བྲིས་རྒྱུགས་ལ་ཉིན་རེར་ཚོགས་ཐུན་སྔ་དགོང་གཉིས་དང་ཚོགས་ཐུན་རེར་ཆུ་ཚོད་གསུམ་རེ་བྱས་ཏེ་རྒྱུགས་འབུལ་སར་ཕེབས་དགོས། བློ་གླིང་རྒྱུགས་སྤྲོད་དོ་དམ་ཁང་ངམ་རྒྱུགས་ཞིབ་ལྷན་ཚོགས་ཀྱི་བཀོད་སྒྲིག་དང་སྟངས་འཛིན་གྱི་འོག་ཏུ་རྒྱུགས་འབུལ་བྱེད་དགོས་པ་ཡིན། རྟགས་རིགས་འཛིན་གྲྭ་ནས་མཛོད་འཛིན་གྲྭ་བར་ཉིན་རེར་འཛིན་གྲྭ་ཁག་བརྒྱད་རེས་རྒྱུགས་ལ་ཞུགས་ཡོད། …
དཔལ་ལྡན་འབྲས་སྤུངས་ཚོགས་ཆེན་ཞལ་ངོའམ་མཁས་མང་བློ་གསལ་བྱེ་བའི་གྲྭ་ཚང་གི་ཁྲིམས་བདག་དགེ་བསྐོས་རྙིང་པ་ཕ་ར་དགེ་བཤེས་ལྷ་རམས་པ་བསྟན་འཛིན་བསམ་འཕེལ་མཆོག་དགེ་བསྐོས་ལོ་གཅིག་གི་ཕྱག་འགན་བཞེས་པའི་ལས་ཡུན་གྲུབ་སྟེ།ཚོགས་ཆེན་ཞལ་ངོའམ་དགེ་བསྐོས་གསར་པ་ཕུ་ཁང་དགེ་བཤེས་ལྷ་རམས་པ་བྱང་ཆུབ་ངག་དབང་མཆོག་དགེ་བསྐོས་གསར་པའི་ཁྲི་སྟོན་མཛད་སྒོ་བྱས། དེ་ཡང་བོད་རྒྱལ་ལོ ༢༡༤༦ ཟླ་བ ༦ པའི་ཚེས ་ ༢༩ ཕྱི་ལོ་༢༠༡༩ཟླ་བ་༨ཚེས་༢༩ཉིན་གྱི་སྔ་དྲོར་དཔལ་ལྡན་ཁྲིམས་བདག་དགེ་བསྐོས་གསར་པ་དགེ་བཤེས་བྱང་ཆུབ་ངག་དབང་མཆོག་ཕུ་ཁང་ཁམས་ཚན་ཚོགས་ཁང་གསར་པའི་ནང་ཁམས་ཚན་ཉེར་ལྔའི་ཁམས་རྒན་རྣམས་ཀྱིས་སྤོས་སྣེ་དང་བཅས་ཚོགས་ཁང་དུ་གདན་དྲངས་ཏེ་རྟེན་གསུམ་ཁག་ལ་མཇལ་དར་སྒྲོན་འབུལ་དང་།དཔལ་ལྡན་ཡོན་ཏན་མ་སོགས་ཞལ་འདོན་གནང་བ་སོགས་མཛད་སྒོ་གྲུབ་པ་དང་། སླར་ཡང་ཁམས་རྒན་རྣམས་ཀྱིས་སྤོས་སྣེ་དང་བཅསགྲྭ་ཚང་གི་གཙུག་ལག་ཁང་དུ་གདན་དྲངས་ཏེ་ཐོར་འབྲུ་མེ་ཏོག་སོགས་ཐོར་བ་སོགས་གདོང་གྲལ་དཀྱིལ་ནས་ཕྱག་འབུལ་བྱས་རྗེས་༧རྒྱལ་བའི་སྐུ་པར་མཐོང་གྲོལ་རིན་པོ་ཆེ་ལ་རྟེན་གསུམ་མཇལ་དར་དང་རྟེན་གསུམ་རྣམས་ལ་སྙན་ཤལ་སོགས་ཀྱིས་མཆོད་སྤྲིན་བཏེགས་ཏེ་ཁྲིའི་སྟེང་དུ་འཁོད་གྲུབ།དེ་ནས་དབུ་མཛད་ཀྱིས་ཞལ་འདོན་དགའ་ལྡན་ལྷ་བརྒྱ་མ་དང་།ཤེར་སྙིང་།དཔལ་ལྡན་ཡོན་ཏན་མ།བཀྲ་ཤིས་སོགས་དབུ་སྐུལ་གནང་བ་དང་འབྲེལ་གསོལ་ཇ་དང་འབྲས་སིལ་འདེགས་པར་བྱས་ཏེ་ཞལ་འདོན་གྲུབ་མཚམས་གྲྭ་ཚང་རང་གི་ཕྱག་མཛོད་ཁྲི་པ་དགེ་བཤེས་བློ་བཟང་ཟླ་བ་མཆོག་དང་།དབུ་མཛད་དགེ་བཤེས་གཙུག་ལག་རྒྱ་མཚོ་མཆོག།ཕུ་ཁང་ཁམས་ཚན་གྱི་སྤྱི་རྒན།ཁམས་ཚན་ཉེར་ལྔའི་ཁམས་རྒན་རྣམས་ཀྱིས་ཁྲིམས་བདག་དགེ་བསྐོས་གསར་པ་མཆོག་ལ་རིམ་གྱིས་བཀྲ་ཤིས་དར་དཀར་འབུལ་བ་སོགས་མཛད་སྒོ་གྲུབ་རྗེས།དཔལ་ལྡན་འབྲས་བློ་གླིང་གྲྭ་ཚང་ནས་ཞོགས་ཚོགས་འཁར་རྔ་བརྡུང་བ་དང་དགེ་འདུན་པ་རྣམས་ཚོགས་ཞུགས་གྲུབ་རྗེས་ཁྲིམས་བདག་དགེ་བསྐོས་གསར་པ་ཚོགས་སུ་ཕེབས་ཏེ་སྔར་རྒྱུན་ལྟར་ཕྱག་ལེན་གནང་། དེ་རིང་ནི་འབྲས་སྤུངས་ཞོ་སྟོན་ཡིན་པ་དང་དཔལ་ལྡན་འབྲས་སྤུངས་ཚོགས་ཆེན་ཞལ་ངོ་བརྗེ་ལེན་གྱི་དུས་ཚོད་འཁེལ་ཡོད་པ་རེད། སྒོ་བློ་གྲྭ་ཚང་གཉིས་ཀྱི་སྔར་སྲོལ་བཞིན་འབྲས་སྤུངས་ཞོ་སྟོན་ཉིན་མོར་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་གླིང་གི་དགེ་བསྐོས་གཉིས་གསར་རྙིང་བརྗེ་གནང་གི་ཡོད་ཅིང་། དེ་རིང་ཞོགས་པའི་ཆུ་ཚོད་༤ /༣༠ཐོག་འབྲས་སྤུངས་ཚོགས་ཆེན་དབུ་མཛད་དང་།བླ་མ་གཞུང་ལེན་པ།བླ་སྤྱིའི་ཕྱག་མཛོད།གྲྭ་ཚང་གཉིས་ཀྱི་ཕྱག་མཛོད་ཁྲི་པ་གཉིས་དང་།ཁམས་ཚན་རྒན་རྣམས་སྤོས་སྣེ་དང་བཅས་དགེ་བསྐོས་གཉིས་པོ་འབྲས་སྤུངས་ཚོགས་ཆེན་གྱི་གཙུག་ལག་ཁང་གི་སྒོ་ཆེན་ཕྱེས་ནས་ནང་དུ་ཕེབས།ཐུགས་སྨོན་མཚམས་སྦྱོར་དང་འབྲེལ་ནས་ཐོར་འབྲུ་མཆོད་ཅིང་དབུས་ཀྱི་གདོང་གྲལ་ནས་ཕེབས་ཏེ་༧རྒྱལ་བའི་སྐུ་པར་མཐོང་གྲོལ་རིན་པོ་ཆེ་ལ་མཇར་དར་དང་།རྟེན་གསུམ་རྣམས་ལ་མཇལ་དར་སྒྲོན་འབུལ་བྱས་ཏེ་བཞུགས་གྲལ་དུ་འཁོད་མཚམས་དབུ་མཛད་ཀྱིས་དགའ་ལྡན་ལྷ་བརྒྱ་དང་།འཇམ་དབྱངས་ཆོས་རྗེ་གསོལ་འདེབས།དཔལ་ལྡན་ཡོན་ཏན་མ་སོགས་ཞལ་འདོན་གྲུབ་པ་དང་།དགེ་བསྐོས་རྙིང་པ་གཉིས་ཀྱིས་འཁར་རྔ་དང་།ཆོས་དུང་།ལྕགས་རྒྱུག་བཅས་རྩིས་འབུལ་སོགས་བྱས་ཏེ་མཛད་སྒོ་གྲུབ།དེ་ནས་ཚོགས་བརྡ་ཕུལ་བ་དང་གྲྭ་མང་རྣམས་ཚོགས་ཞུགས་གྲུབ་རྗེས་དགེ་བསྐོས་གསར་པ་གཉིས་ཀྱིས་ཚོགས་སུ་སྔར་རྒྱུན་ལྟར་ཕྱག་བཞེས་གནང་དགོས།ཚོགས་གྲོལ་རྗེས་བླ་སྤྱིའི་ཡང་ཐོག་ཏུ་འབྲས་སྤུངས་ཁྲི་པ་རིན་པོ་ཆེ་དབུས་གྲྭ་ཚང་ཁག་གི་མཁན་ལས་ཟུར་དང་།ཕྱག་མཛོད་ཁྲི་པ་གཉིས།དབུ་མཛད།དགེ་བསྐོས་གསར་རྙིང་གཉིས།ཆབ་རིབ་དང་ཆབ་གཡོག་སོགས་ལས་ཆེ་གྲས་ཁག་ཞོ་འབྲས་མར་ཁུའི་གསོལ་ཞིག་ཀྱང་འབུལ་མ་ཟད།ཁོང་རྣམས་ལ་ཉིན་གུང་བཞེས་ལག་དཀར་ཟས་ཤིག་ཀྱང་འབུལ་སྲོལ་མཆིས།དེ་ནས་གྲྭ་མང་རྣམས་དགེ་བསྐོས་གསར་རྙིང་ལ་རྟེན་འབྲེལ་མཇལ་དར་དང་ཐུགས་རྗེ་ལེགས་གསོལ་འབུལ་སར་ཕེབས་པར་མཛད། ༧རྒྱལ་དབང་ལྔ་པ་ཆེན་པོས་གསོལ་སྩལ་མཛད་པའི་བཅའ་ཡིག་རིན་པོ་ཆེ་བླང་དོར་ཀུན་གསལ་མེ་ལོང་།ཞེས་པ་བོད་ཚེས་བརྒྱད་ཉིན་ཚོགས་ལངས་སྐབས་དགེ་བསྐོས་རྙིང་པ་གཉིས་ཀྱིས་གསར་པ་ལ་གཉིས་ལ་རྩིས་འབུལ་གནང་དགོས་པ་ཡིན།བཅའ་ཡིག་འདི་ནི་གདན་ས་འདི་པའི་གལ་ཆེན་བཅའ་ཡིག་ཅིག་ཡིན་ཞིང་།འདི་ཉིད་གཙོ་བཟུང་གིས་སྒྲིག་ཁྲིམས་ལག་བསྟར་གནང་དགོས་ཀྱི་ཡོད།བོད་དུ་ཚོགས་ཆེན་ཞལ་ངོ་གཉིས་པོ་གཞུང་གི་གོ་ཐོབ་ཡོད་པས་གཞུང་འབྲེལ་གྱི་ཕྱག་དམ་ཕེབས་ནས་གཞུང་གི་ལས་སྣེ་གྲས་སུ་འཇོག་གི་ཡོད་རུང་།བཙན་བྱོལ་དུ་སླེབས་རྗེས་སྔ་སྲོལ་དེ་ཚོ་མི་དགོས་པར་བྱས་ཐོག་ཚོགས་ཆེན་ཞལ་ངོ་དང་གྲྭ་ཚང་གི་དགེ་སྐོས་ལོགས་སུ་མི་དགོས་པར་བྱས་ཏེ་དུས་ཡུན་ལོ་གཅིག་གི་རིང་གྲྭ་ཚང་སྒོ་བློ་གཉིས་ཀྱི་དགེ་སྐོས་རྣམ་གཉིས་ནས་ཚོགས་ཆེན་ཞལ་ངོའི་འགན་གཅིག་ལྕོགས་ཀྱིས་ཁུར་གནང་རྒྱུ་བྱས་འདུག།དགེ་སྐོས་རྣམ་གཉིས་ནི་དགོན་འདིའི་འགན་དབང་ཆེ་ཤོས་ཡིན་པས་གདན་སར་ཞུགས་པའི་སྐྱེ་བོ་སུ་ཞིག་ཡིན་རུང་ཁོང་རྣམ་གཉིས་ཀྱི་སྒྲིག་ཁྲིམས་འོག་ཏུ་མ་འཚུད་པ་མེད།དུས་རྒྱུན་གདན་སའི་ཁ་རྒྱུན་དུ་ཁྲིམས་བདག་དགེ་སྐོས་ཞེས་གསུང་སྲོལ་ཡོད་པ་བཞིན་ཁོང་གཉིས་པོས་དགེ་འདུན་པ་ལྔ་སྟོང་ལྷག་ལ་གདན་སའི་ཁྲིམས་སྒྲིག་ཡོད་ཚེ་འགན་ལེན་གྱིས་ལག་ལྟར་བྱེད་དགོས་པས་ཆེས་དཀའ་ཚེགས་ཆེ་བ་ཞིག་ཀྱང་ཡིན་སྟབས།འདི་ལྟར་ལས་སྣེ་ཁེལ་རྒྱུ་ཞེད་སྣང་གནང་གི་ཡོད་མོད་ཀྱང་གྲྭ་མང་གིས་འོས་བསྡུ་ལམ་བསྐོས་ན་དགོངས་པ་ཡང་ཞུ་ས་མི་རྙེད་པ་ཞིག་ཡིན། ཞོ་སྟོན་ཞེས་པའི་དོན། གནའ་སྔ་མོ་རྒྱ་གར་ལ་དགེ་འདུན་རྣམས་དབྱར་གནས་ལ་བཞུགས་པའི་ཚེ་བསོད་སྙོམས་ལ་ཕེབས་མི་དགོས་པར་བརྟེན་སྦྱིན་བདག་ལ་སོགས་པས་ཞོ་དང་འོ་མ་ལ་སོགས་པའི་བསྙེན་བཀུར་ཞུ་སྲོལ་ཡོད་པ་ལྟར། གདན་ས་ཆེན་པོ་དགའ་འབྲས་སེ་གསུམ་སོགས་སུ་དབྱར་གནས(དགེ་འདུན་རྣམས་དབྱར་ཁའི་རིང་ཕྱི་རོལ་དུ་གང་བྱུང་དུ་འགྲོ་མི་ཆོག་པའི་དུས་ཅིག)ཚུགས་པའི་སྐབས་སུ་ཞོ་ཡི་སྟོན་མོ་སྟེ་ཞོ་ཡི་ཞལ་ལག་སོགས་འབུལ་བས་ན་ཞོ་སྟོན་ཞེས་ཐོགས་པ་ཡིན། …
ཆོས་སྡེ་ཆེན་པོ་དཔལ་ནཱ་ལནྡཱ་གཉིས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་དགེ་ལུགས་རྒྱུགས་སྤྲོད་ཆེན་མོར་ཕེབས་མཁན་དགེ་འདུན་པ་ཞལ་གྲངས་༢༢༢ ཡོད་ཅིང་། དེ་ཡང་ལྷ་རམས་གཉིས་པར་ཞལ་གྲངས་ ༢༧ ། ལྷ་རམས་དང་པོར་ཞལ་གྲངས་ ༢༦ ། སློབ་དཔོན་གཉིས་པར་ཞལ་གྲངས་ ༢༤ ། སློབ་དཔོན་དང་པོར་ཞལ་གྲངས་༢༥ ། བཀའ་རམས་གཉིས་པར་ཞལ་གྲངས་ ༦༠ ། བཀའ་རམས་དང་པོར་ཞལ་གྲངས་ ༦༠ བཅས་བསྡོམས་སློབ་གཉེར་བ་ཞལ་གྲངས་མི་༢༢༢ དང་། དགེ་ལུགས་རྒྱུགས་སྤྲོད་དབུ་ཚུགས་པའི་དུས་ཚོད་ནི་ཕྱི་ཟླ་༨ ཚེས་༢༦ ནས་ཕྱི་ཟླ་༩ ཚེས་༢༥ བར་ཟླ་བ་གཅིག་གི་རིང་དགེ་ལུགས་རྒྱུགས་སྤྲོད་གནང་རྒྱུ་ཡིན་འདུག་པ་དང་། ཕྱི་ལོ། ༡༩༧༥ ལོར་དགེ་ལུགས་རྒྱུགས་སྤྲོད་ཐོག་མ་དེ་དབུ་འཛུགས་གནང་། དགེ་ལུགས་རྒྱུགས་སྤྲོད་ཆེན་མོ་འདི་ཡང་གདན་ས་གསུམ་གྱི་དགེ་འདུན་པ་རྣམས་བཙན་བྱོལ་དུ་འབྱོར་རྗེས་སྔར་སྲོལ་སློབ་གཉེར་གྱི་ལམ་ལུགས་རྒྱུན་འཛིན་གནང་བ་མ་ཟད། དགེ་ལུགས་པའི་གདན་ས་ཆེན་པོ་གསུམ་དང་། བཀྲ་ཤིས་ལྷུན་པོ། རྭ་སྟོད་བཅས་ཀྱི་ཁོངས་ནས་སློབ་གཉེར་བ་རང་རང་གི་གདན་ས་གྲྭ་ཚང་དུ་རྒྱུགས་སྤྲོད་ཐོན་ཟིན་ནས་དགེ་བཤེས་ལྷ་རམས་པའི་མཚན་གནས་ཐོབ་པ་ལ་སྔོན་འགྲོར་དགེ་ལྡན་ལུགས་བཟང་གཙུག་ལག་སློབ་གཉེར་ཁང་གིས་སྟངས་འཛིན་དང་གོ་སྒྲིག་འོག་ལོ་དྲུག་ངེས་པར་དུ་རྒྱུགས་སྤྲོད་བྱེད་པོ་ཡོངས་རྫོགས་མཉམ་ཞུགས་དགོས་པའི་རྒྱུགས་སྤྲོད་ཅིག་ཡིན། དགེ་ལྡན་ལུགས་བཟང་གཙུག་ལག་སློབ་གཉེར་ཁང་གིས་དོ་དམ་འོག་ཏུ་ལྷ་རམས་རྒྱུགས་སྤྲོད་ལོ་གཉིས་དང་།སློབ་དཔོན་ལོ་གཉིས།བཀའ་རམས་ལོ་གཉིས་བཅས་ལོ་དྲུག་ལ་རྒྱུགས་སྤྲོད་ཕེབས་གྲུབ་རྗེས།དེ་ནས་གདན་གསུམ་སྨོན་ལམ་ཆེན་མོར་ལྷ་རམས་དམ་འཇོག་གནང་སྟེ་དགེ་བཤེས་ཀྱི་མཚན་རྟགས་བཞེས་ཀྱི་ཡོད། རྒྱུགས་སྤྲོད་ཀྱི་སློབ་ཚན་རིམ་པ་ལ་ཐུན་མོང་མིན་པའི་གཞུང་ཆེན་བཀའ་པོད་ལྔ་དང་།ཐུན་མོང་བའི་རིག་གནས་ལ།ཐུན་མོང་བོད་སྐད།ཞར་བྱུང་སློབ་ཚན།དམིགས་བསལ་བོད་སྐད་བཅས་རྩོད་བྲིས་གཉིས་ཡོད། ༢༠༡༨ ལོར་གྲོས་ཆོད་བྱུང་དོན་ལྟར་དེ་ལོ་ནས་བཀའ་རམས་དང་པོ་ལ་ཚན་རིག་རྒྱུགས་སྤྲོད་ཀྱང་ཡོད། རྒྱུགས་སྤྲོད་སློབ་གཉེར་བ་སྤྱི་དང་། གྲྭ་ཚང་གི་རྒྱུགས་ཞུགས་པ་ཡོངས་ལ་དགེ་ལྡན་ལུགས་བཟང་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་ལམ་ལྷོང་ཡོང་བའི་བཀྲ་ཤིས་སྨོན་འདུན་ཞུ
༄༅། །ཆོས་སྡེ་ཆེན་པོ་དཔལ་ནཱ་ལནྡཱ་གཉིས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་དང་བློ་གསལ་གླིང་ཆོས་རིག་འཛིན་སྐྱོང་གི་སློབ་གྲྭ་ཐུན་མོང་ནས་འཇམ་མགོན་བླ་མ་ཙོང་ཁ་པ་ཆེན་པོ་མཆོག་དགོངས་པ་གཞན་དོན་དུ་གཤེགས་ནས་མི་ལོ་ཧྲིལ་པོ་ལོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་ཞུས།