༄༅།།རི་བོ་དགེ་ལྡན་པའི་གདན་ས་ཁག་ཏུ་བྱམས་ཆོས་དང་རིགས་ཚོགས་ཀྱི་དགུན་ཆོས་ཆེན་མོ་ཚོགས་ཐེངས་བདུན་པ་ཚོགས་གནང་བ།

དེ་རིང་སྟེ་བོད་རྒྱལ་ལོ་༢༠༤༨ རབ་གནས་ལྕགས་གླང་ཟླ་བ་༡༡ ཚེས་ ༢དང་། ཕྱི་ལོ་ ༢༠༢༢ ཟླ་༡ ཚེས་ ༤ ཉིན་རི་བོ་དགེ་ལྡན་པའི་གདན་ས་ཁག་ཏུ་བྱམས་ཆོས་དང་རིགས་ཚོགས་ཀྱི་དགུན་ཆོས་ཆེན་མོ་འཚོགས་ཡོད་ཅིང་། ཏོག་དབྱིབས་ནད་ཡམས་ཀྱིས་རྐྱེན་པས་གདན་གསུམ་གཙོས་དགོན་སྡེ་ཁག་གིས་དགུན་ཆོས་ཆེན་མོ་མཉམ་དུ་འཚོགས་ཐུབ་མེད་ཀྱང་། གདན་ས་ཁག་གི་གྲྭ་ཚང་ཁག་སོ་སོའི་ནང་མཉམ་ཚོགས་གནང་བཞིན་པ་ལྟར། དཔལ་ལྡན་འབྲས་སྤུངས་སུ་སྒོ་མང་དང་བློ་གླིང་། ར་སྟོད་བཅས་ཀྱི་དགེ་འདུན་པ་རྣམས་ཀྱིས་བྱམས་ཆོས་དང་རིགས་ཚོགས་ཀྱི་དགུན་ཆོས་ཆེན་མོ་དེ་མཁས་མང་བློ་གསལ་གླིང་གི་ཆོས་རའི་ནང་དབུ་འཛུགས་གནང་ཡོད། ཕྱི་ལོ་ ༢༠༢༢ ཟླ་བ་ ༡ ཚེས་ ༤ ནས་ཚེས་ ༢༣ བར་ཚོགས་དགོས། དེའི་རིང་གྲྭ་ཚང་སོ་སོའི་སློབ་གཉེར་བ་རྣམས་ཀྱིས་དམ་བཅའ་དང་བགྲོ་གླེང་གནང་དགོས་པ་བཅས།https://www.facebook.com/100011664431042/videos/660909608413709/