༄༅། །༸གོང་ས་སྐྱབས་མགོན་༸རྒྱལ་དབང་ཐམས་ཅད་མཁྱེན་པའི་རིགས་ཀྱི་ཅོད་པན་རིགས་བརྒྱའི་ཁྱབ་བདག་འཁོར་ལོའི་མགོན་པོ་ ྋསྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་༸རྗེ་བཙུན་བསྟན་འཛིན་ལུང་རྟོགས་འཕྲིན་ལས་ཆོས་འཕགས་དཔལ་བཟང་པོ་མཆོག་གི་འཁྲུངས་སྐར་ལ་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ།

བསྟན་དང་བསྟན༵་འཛི༵ན་གཙུག་གི་ནོར་བུ་ཡིད་བཞིན་དབང་གི་རྒྱལ་པོའི་དཔལ། །
ལུང༵་རྟོག༵ས་ཡོན་ཏན་འབྲས་བཟང་སྨིན་ཞིང་འདོད་རྒུའི་ཆར་དུ་བསྙིལ་བ་ལས། །
འཕྲིན༵་ལ༵ས་འོད་སྣང་ས་གསུམ་ཀུན་ཁྱབ་སྲིད་པའི་སྒྲོན་མེ་བཏེགས་པ་ཡི། །
ཆོས༵་ཀྱི་རྗེ་བོ་འཕ༵གས་པ་མཆོག་དེའི་སྐུ་ཡི་འཁྲུངས་སྐར་བསུ་བར་ཞུ། །

ཕྱི་ལོ་ ༢༠༢༢ ཟླ་བ ༡༡ ཚེས་ ༡༨ ཉིན་ྋསྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་༸རྗེ་བཙུན་བསྟན་འཛིན་ལུང་རྟོགས་འཕྲིན་ལས་ཆོས་འཕགས་དཔལ་བཟང་པོ་མཆོག་གིས་བསྟན་པ་དང་འགྲོ་བའི་དོན་དུ་བླ་ན་མེད་པའི་མཛད་འཕྲིན་བསྐྱངས་དང་སྐྱོང་བཞིན་པའི་བཀའ་དྲིན་རྗེས་སུ་དྲན་པའི་སྒོ་ནས། རིན་པོ་ཆེ་མཆོག་གི་སྐུའི་མཚན་དཔེའི་མེ་ཏོག་མངོན་པར་བཞད་དེ། ཕྱི་ལུགས་ལྟར་དགུང་གྲངས་ ༣༧ ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཁྱད་པར་ཅན་གྱི་ཉིན་མོར། དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་མཁན་བླ་འདུས་མང་ཡོངས་ཀྱིས་དད་གུས་སྤྲོ་གསུམ་གྱི་ངང་ནས་འཚམས་འདྲིའི་རྟེན་འབྲེལ་ཞུ་བ་དང་ཆབས་ཅིག །སླད་མར་ཡང་༸མགོན་པོ་གང་སྐུ་ཡིད་བཞིན་དབང་རྒྱལ་བསྟན་འགྲོའི་མགོན་དུ་མཛད་བཟང་ལ་འགལ་རྐྱེན་གྱི་ཆ་ཕྲ་མོ་ཙམ་མ་མཆིས་པ་སྐུ་ཚེ་མི་ཤིགས་རྡོ་རྗེའི་ཁམས་སུ་བརྟན་ཅིང་རླབས་ཆེན་ཐུགས་ཀྱི་བཞེད་དགོངས་རྣམས་ཐུགས་ཀྱི་དགོངས་པ་ཇི་ལྟར་འགྲུབ་པའི་བཀྲ་ཤིས་སྨོན་འདུན་གྲངས་མེད་སྙིང་ནས་ཞུ་ཞུ་ཞུ།