༄༅། །གངས་ཅན་གྱི་དཔལ་ནཱ་ལནྡཱ་ཆེན་མོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གི་སློབ་གཉེར་བ་རྣམས་ཀྱིས་དཔྱིད་ཆོས་ཆེན་མོའི་ནང་འཛིན་གྲྭ་འཐབ་ཏེ་རྩེར་སོན་རྣམས་ལ་རྣམ་དཔྱོད་ཕུལ་བྱུང་གི་གཟེངས་བསྟོད་བྱ་དགའ་གནང་བ།

༄༅། །གངས་ཅན་གྱི་དཔལ་ནཱ་ལནྡཱ་ཆེན་མོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གི་སློབ་གཉེར་བ་རྣམས་ཀྱིས་དཔྱིད་ཆོས་ཆེན་མོའི་ནང་འཛིན་གྲྭ་འཐབ་ཏེ་རྩེར་སོན་རྣམས་ལ་རྣམ་དཔྱོད་ཕུལ་བྱུང་གི་གཟེངས་བསྟོད་བྱ་དགའ་གནང་བ། ཕྱི་ལོ་༢༠༢༢ ལོའི་ཟླ་ ༥ ཚེས་ ༣ ཉིན་དཔལ་ལྡན་འབྲས་སྤུངས་མཁས་མང་བློ་གསལ་གླིང་དུ་ལོ་གཅིག་ལ་ཆོས་ཐོག་ཆེན་མོ་བརྒྱད་ཡོད་པ་ལས་ཆོས་ཐོག་གཉིས་པ་དཔྱིད་ཆོས་ཆེན་མོ་དབུ་ཚུགས་གནང་ཡོད། ཆོས་ཐོག་འདི་བོད་ཟླ་གསུམ་པའི་ཚེས་གསུམ་ལ་ཆོས་ར་ཡར་ཚོགས་དང་། དུས་ཡུན་ཟླ་ཆོས་ཡིན། ཟླ་ཆོས་འདིའི་ནང་༧ སྐྱབས་རྗེ་མཁན་རིན་པོ་རྗེ་བཙུན་བློ་བཟང་བསམ་གཏན་མཆོག་དང་། བླ་མ་གཞུང་ལེན་པ་དགེ་བཤེས་ཆོས་འཕེལ། དབུ་མཛད་དགེ་བཤེས་ཨ་དགའ། ཁྲིམས་བདག་དགེ་བསྐོས་དགེ་བཤེས་བློ་བཟང་ཉི་མ། དབུ་བཞུགས་ཐོག་གཙོ་བོ་རྒྱལ་བའི་གཞུང་ཆེན་ཁག་གི་གནད་བསྡུས་པ་བཀའ་པོད་ལྔའི་གཞུང་ལུགས་ཁག་ལ་སློབ་གཉེར་གནང་བཞིན་པའི་སློབ་གཉེར་བ་རྣམས་ཀྱིས་འཛིན་གྲྭ་འཐབ་དགོས། དེ་ཡང་འཛིན་གྲྭ་རེ་ནས་འོག་མ་ལ་ལན་གཅིག་རེ་དང་རྟགས་བསལ་རེ། འཛིན་གྲྭ་གོང་མ་ལ་ཡང་ལན་གཅིག་རེ་དང་རྟགས་བསལ་རེ་གཏོང་གནང་དགོས། སྐབས་དེར་འཛིན་གྲྭ་སོ་སོས་ལུང་དང་རིགས་པའི་བརྒྱན་ཏེ་རྩོད་པའི་ཚེ་རྟགས་བསལ་གཏོང་སྟངས་དང་ལན་འདེབས་སྟངས་གཞུང་ལུགས་ཀྱི་གོ་བ་ལེན་སྟངས། རྩོད་པ་དང་ལན་སོགས་ཀྱི་ཚེ་རིག་པ་རྣོ་མྱུར་དང༌། དོན་དང་ལྡན་མིན། ལུས་ཀྱི་སྟངས་ཀ ངག་གི་སྨྲ་སྟངས། ཐུགས་ཀྱི་འཁྱེར་སོ། སྒྱིད་ལུག་དང༌ང་རྒྱལ་མེད་པ། གཡོ་སྒྱུ་དང་རྫུན་ཚིག་མེད་ཅིང་གུས་པ་དང་ཀུན་སྤྱོད་བཟང་བའི་སྒོ་ནས་རྟགས་རིགས་འཛིན་གྲྭ་ནས་འདུལ་བ་ལས་གཞི་བར་འཛིན་གྲྭ་གོང་འོག་ཕན་ཚུན་བརྒལ་བརྟག་བགྱིས་ཏེ་ལུང་རིགས་གནམ་ལྕགས་ཀྱི་ཐོག་མདའ་འཕེན་ཏེ་ཕས་རྒོལ་ལོག་རྟོག་གི་བྲག་རི་འཇོམས་པའི་དུས་དེར་གཤེར་དཔང་བ་དགེ་བཤེས་བཞིས་འཛིན་གྲྭ་སོ་སོར་རྩོད་དང་ལན་སོ་སོར་ཨང་གྲངས་ཕུལ་ཏེ་མཐར་འཛིན་གྲྭ་འཐབ་གྲུབ་མཚམས་ཨང་གྲངས་མཐོ་བ་རྣམས་ལ་( རྣམ་དཔྱོད་ཕུལ་བྱུང་གི་གཟེངས་བསྟོད། )རྩེད་ཕུད་དང་གཉིས་གསུམ་གྱི་གཟེངས་བསྟོད་ཀྱི་བྱ་དགའ་ཡང་འབུལ་གནང་མཛད་ཡོད། ལོ་འདིར་བརྒྱ་ཆ་འབུལ་མཁན་ནམ་བཤེར་དཔང་བ་ཕུ་ཁང་དགེ་བཤེས་ལྷ་རམས་པ་བྱམས་པ་ཆོས་འཕེལ། ཕུ་ཁང་དགེ་བཤེས་ལྷ་རམས་པ་ཐུབ་བསྟན་དངོས་གྲུབ། གླིང་དགེ་བཤེས་ལྷ་རམས་པ་སྣང་གསལ་ཉི་མ། ཏྲེ་ཧོར་དགེ་བཤེས་ལྷ་རམས་པ་རྡོ་རྗེ་ཚེ་རིང་བཅས་ཡིན། འདིའི་རིང་འཛིན་གྲྭ་འཐབ་ཏེ་ཨང་དང་པོ་སྐབས་བཞི་པ། ཨང་གཉིས་པ། དབུ་མ་བདག་འགོག །ཨང་གསུམ་པ། ཕར་ཕྱིན་སེམས་བསྐྱེད། ཨང་བཞི་པ། དབུ་མ་བདེན་གཉིས། ཨང་ལྔ་པ། སྐབས་ལྔ་པ། ཨང་དྲུག་པ། དབུ་མ་སེམས་བསྐྱེད། ཨང་བདུན་པ། བསམ་གཟུགས། ཨང་བརྒྱད་པ། དྲང་ངེས། ཨང་དགུ་པ། དགེ་འདུན་ཉི་ཤུ་བཅས་ཨང་ཐོབ་རྣམས་ལ་རྒྱུགས་སྤྲོད་ཚོགས་ཆུང་གིས་གོ་སྒྲིག་འོག་སྐྱབས་རྗེ་མཁན་རིན་པོ་ཆེ་མཆོག་གིས་གཟེངས་བསྟོད་བྱ་དགའ་དང་ཕྱག་ཁྱེར་མཇལ་དར་བཅས་གནང་ཡོད་པ་དང་། སྐྱབས་རྗེ་མཁན་རིན་པོ་ཆེ་མཆོག་དང་འཛིན་གྲྭ་རྩེ་ཕུད་བཞེས་མཁན་འཛིན་གྲྭ་སོ་སོར་ལྷན་སྐུ་པར་སྒྲོན་གནང་ཡོད། བོད་ཟླ་བཞི་པའི་ཚེས་གསུམ་ལ་ཆོས་ར་མར་གྲོལ་ཡིན།