༄༅། །དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གིས་གཏོར་འབུལ་རྟ་ཆེན་འཚོགས་གནང་བ།
ཕྱི་ལོ་༢༠༢༢ ལོའི་ཟླ་བ་༡༡ ཚེས་ ༢༦ ཉིན་གྱི་སྔ་དྲོར་གྲྭ་ཚང་གིས་ཟླ་བ་རེར་ཚོགས་བཞིན་པའི་གཏོར་འབུལ་རྟ་ཆེན་ཚོགས་གནང་མཛད་ཡོད། བློ་གླིང་གཙུག་ལག་ཁང་ངམ་འདུ་ཁང་དུ་དབུ་བཞུགས་ཁྱབ་བདག་བཀའ་འགྱུར་བ་སྐྱབས་རྗེ་བློ་གླིང་མཁན་ཟུར་རིན་པོ་ཆེ་རྟོགས་ལྡན་རིན་པོ་ཆེ་མཆོག་དང་། དབུ་ཆོས་རྣམ་གསུམ་གཙོས་འདུས་མང་ཡོངས་ཀྱིས་འཚོགས་གནང་མཛད་ཡོད། འདི་ཉིན་དགེ་བཤེས་གཏོང་སྒོ་གཏོང་མཁན་བཅུ་ཕྲག་ལྷག་གིས་དགེ་འདུན་རྣམས་ལ་བསྙེན་བཀུར་ཞུས་གནང་།
གཏོར་འབུལ་རྟ་ཆེན་ནི་ལུས་ཅན་ཡོངས་ལ་ཕན་བདེ་མ་ལུས་པ་འབྱུང་བའི་གཞི་རྟེན་གཅིག་པུ་མཉམ་མེད་ཐུབ་པའི་བསྟན་པ་རིན་པོ་ཆེ་སྤྱི་དང་། ཡང་སྙིང་འཇམ་དཔལ་སྙིང་པོའི་རིང་ལུགས་དྲི་མ་མེད་པ་འདི་ཉིད་ཕྱོགས་དུས་ཀུན་དུ་དར་ཞིང་རྒྱས་པ་དང་། རང་ཅག་རྣམས་ཀྱི་མགོན་སྐྱབས་བླ་ན་མ་མཆིས་པ་ཆེན་པོ་རྒྱལ་བ་ཀུན་གྱི་མཁྱེན་བརྩེ་ནུས་གསུམ་གཅིག་ཏུ་བསྡུས་པ་ཁ་བ་གངས་ཅན་པའི་ལྷ་སྐལ་འཛམ་གླིང་ཞི་བདེའི་དེད་དཔོན་ཆེན་པོ་ས་གསུམ་སྐྱེ་དགུ་ཡོངས་ཀྱི་འདྲེན་གཅིག་པུ་༸ སྤྱི་ནོར་༸ གོང་ས་༸ སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་དབུས་རིས་མེད་བསྟན་འཛིན་གྱི་སྐྱེས་ཆེན་རྣམས་སྐུ་ཚེ་མཛད་དགོངས་འཕེལ་བ་དང་། དགེ་འདུན་སྡེ་རྣམས་ཐུགས་མཐུན་ཁྲིམས་གཙང་ཞིང་ལམ་བསླབ་པ་གསུམ་གྱི་ཉམས་ལེན་དང་ལུང་སྡེ་སྣོད་གསུམ་འཆད་ཉན་དབྱར་གྱི་མཚོ་ཆེན་ལྟར་རྒྱས་ཤིང་། ཁྱད་པར་གྲྭ་ཚང་འདི་ཉིད་ཀྱི་འཁོར་ལོ་གསུམ་གྱི་བྱ་བ་རྣམས་ཡར་ངོའི་ཟླ་ལྟར་འཕེལ་ཞིང་རྒྱས་པ་དང་། ཡངས་པའི་རྒྱལ་ཁམས་ཀུན་ཏུ་ནད་ཡམས་མུ་གེ་དམག་འཁྲུགས་སོགས་མི་འདོད་ཉེ་བར་འཚེ་བའི་རིགས་ལྷག་མེད་དུ་ཞུ་སྟེ། ཆོས་འབྱོར་བདེ་སྐྱིད་ཟད་པ་མེད་པའི་དཔལ་གྱིས་འཚོ་བ་དང་། བསྟན་པའི་སྦྱིན་བདག་རྣམས་ཀྱི་རྣམ་པར་དཀར་བའི་ཆོས་སྤྱོད་ཀྱི་བྱ་བ་རྣམས་བསམ་དོན་ལྟར་འགྲུབ་ཅིང་། འབྲེལ་བ་ཐོགས་ཤིང་རེ་ལྟོས་འཆའ་བའི་འགྲོ་བ་ཤི་གསོན་ཐམས་ཅད་དེང་ནས་བྱང་ཆུབ་མ་ཐོབ་བར་དུ་བླ་མ་ཆོས་སྲུང་དགེ་འདུན་གྱི་སྡེ་དང་བཅས་པས་འབྲལ་མེད་རྗེས་སུ་བཟུང་སྟེ་བླ་མེད་སྐུ་བཞིའི་གོ་འཕང་ཐོབ་པ་སོགས་ལ་དམིགས་ཏེ་ཟླ་བ་རེར་གཏོར་འབུལ་རྟ་ཆེན་གྱི་ཞབས་རིམ་བསྒྲུབས་དང་སྒྲུབ་མུས་སུ་མཆིས།
གཏོར་འབུལ་རྟ་ཆེན་ནི་ལུས་ཅན་ཡོངས་ལ་ཕན་བདེ་མ་ལུས་པ་འབྱུང་བའི་གཞི་རྟེན་གཅིག་པུ་མཉམ་མེད་ཐུབ་པའི་བསྟན་པ་རིན་པོ་ཆེ་སྤྱི་དང་། ཡང་སྙིང་འཇམ་དཔལ་སྙིང་པོའི་རིང་ལུགས་དྲི་མ་མེད་པ་འདི་ཉིད་ཕྱོགས་དུས་ཀུན་དུ་དར་ཞིང་རྒྱས་པ་དང་། རང་ཅག་རྣམས་ཀྱི་མགོན་སྐྱབས་བླ་ན་མ་མཆིས་པ་ཆེན་པོ་རྒྱལ་བ་ཀུན་གྱི་མཁྱེན་བརྩེ་ནུས་གསུམ་གཅིག་ཏུ་བསྡུས་པ་ཁ་བ་གངས་ཅན་པའི་ལྷ་སྐལ་འཛམ་གླིང་ཞི་བདེའི་དེད་དཔོན་ཆེན་པོ་ས་གསུམ་སྐྱེ་དགུ་ཡོངས་ཀྱི་འདྲེན་གཅིག་པུ་༸ སྤྱི་ནོར་༸ གོང་ས་༸ སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་དབུས་རིས་མེད་བསྟན་འཛིན་གྱི་སྐྱེས་ཆེན་རྣམས་སྐུ་ཚེ་མཛད་དགོངས་འཕེལ་བ་དང་། དགེ་འདུན་སྡེ་རྣམས་ཐུགས་མཐུན་ཁྲིམས་གཙང་ཞིང་ལམ་བསླབ་པ་གསུམ་གྱི་ཉམས་ལེན་དང་ལུང་སྡེ་སྣོད་གསུམ་འཆད་ཉན་དབྱར་གྱི་མཚོ་ཆེན་ལྟར་རྒྱས་ཤིང་། ཁྱད་པར་གྲྭ་ཚང་འདི་ཉིད་ཀྱི་འཁོར་ལོ་གསུམ་གྱི་བྱ་བ་རྣམས་ཡར་ངོའི་ཟླ་ལྟར་འཕེལ་ཞིང་རྒྱས་པ་དང་། ཡངས་པའི་རྒྱལ་ཁམས་ཀུན་ཏུ་ནད་ཡམས་མུ་གེ་དམག་འཁྲུགས་སོགས་མི་འདོད་ཉེ་བར་འཚེ་བའི་རིགས་ལྷག་མེད་དུ་ཞུ་སྟེ། ཆོས་འབྱོར་བདེ་སྐྱིད་ཟད་པ་མེད་པའི་དཔལ་གྱིས་འཚོ་བ་དང་། བསྟན་པའི་སྦྱིན་བདག་རྣམས་ཀྱི་རྣམ་པར་དཀར་བའི་ཆོས་སྤྱོད་ཀྱི་བྱ་བ་རྣམས་བསམ་དོན་ལྟར་འགྲུབ་ཅིང་། འབྲེལ་བ་ཐོགས་ཤིང་རེ་ལྟོས་འཆའ་བའི་འགྲོ་བ་ཤི་གསོན་ཐམས་ཅད་དེང་ནས་བྱང་ཆུབ་མ་ཐོབ་བར་དུ་བླ་མ་ཆོས་སྲུང་དགེ་འདུན་གྱི་སྡེ་དང་བཅས་པས་འབྲལ་མེད་རྗེས་སུ་བཟུང་སྟེ་བླ་མེད་སྐུ་བཞིའི་གོ་འཕང་ཐོབ་པ་སོགས་ལ་དམིགས་ཏེ་ཟླ་བ་རེར་གཏོར་འབུལ་རྟ་ཆེན་གྱི་ཞབས་རིམ་བསྒྲུབས་དང་སྒྲུབ་མུས་སུ་མཆིས།
