༄༅། །ཞྭ་སེར་བསྟན་པའི་གཙུག་རྒྱན་འཇམ་མགོན་རྒྱལ་བའི་རྒྱལ་ཚབ་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་བརྒྱ་དང་གཉིས་པ་ ༸ རི་རྫོང་སྲས་སྤྲུལ་རིན་པོ་ཆེ་ཐུབ་བསྟན་ཉི་མ་ལུང་རྟོགས་བསྟན་འཛིན་དཔལ་བཟང་པོ་མཆོག་དགོངས་པ་ཞི་བའི་དབྱིངས་སུ་ཐིམ་ཚུལ་བསྟན་པ།
དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་སྤྲུལ་ཐུབ་བསྟན་ཉི་མ་རིན་པོ་ཆེ་དཔལ་བཟང་པོ་མཆོག་ཕྱི་ལོ་༢༠༢༢ཟླ་བ་༡༢ ཚེས་༨ ཉིན་གྱི་དགོང་མོ་རྒྱ་གར་ཆུ་ཚོད ༩ དང་སྐར་མ་༡༥ ཐོག་རྒྱ་གར་ལྷོ་ཕྱོགས་གདན་ས་འབྲས་སྤུངས་རི་རྫོང་བླ་བྲང་དུ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པ་དང་། བུ་སློབ་རྣམས་ཀྱིས་རྒྱན་འཇུག་གཉིས་དང་འཇམ་དཔལ་མཚན་བརྗོད་སོགས་སྐྱོར་བརྡ་གནང་། སང་ཞོགས་སྔ་དྲོར་ཆུ་ཚོད་༨ ཐོག་འབྲས་སྤུངས་བླ་སྤྱིས་དཔལ་ལྡན་འབྲས་དཀར་སྤུངས་པའི་ཚོགས་ཆེན་དུ་འབྲས་སྤུངས་ཁྲི་པ་རིན་པོ་ཆེ་རྗེ་བཙུན་དཀོན་མཆོག་དཔག་བསམ་དབུ་བཞུགས་ཐོག་འདུས་མང་ཡོངས་ཀྱིས་བསྟན་བཅོས་མངོན་རྟོགས་རྒྱན་དང་༸རྒྱལ་བའི་མཚན་སྔགས་སོགས་གསུང་། ཁྲི་ཟུར་བླ་བྲང་དང་ཀླུ་འཁྱིལ་ཁམས་ཚན། དཔེ་ཐུབ་ཁམས་ཚན། གཞིས་དགོན་ཁག་ནས་སྐུ་ཡོན་སོགས་བསྙེན་བཀུར་ཞུས་གནང་བ་མ་ཟད། ཡུལ་གྲུ་སོ་སོ་ནས་བུ་སློབ་དང་དགོན་སྡེ་ཁག་སོ་སོ་ནས་རྒྱན་འཇུག་གཉིས་སོགས་ཞལ་འདོན་གནང་བ་དང་བསྙེན་བཀུར་ཞུས།
དགོང་མོའི་ཆུ་ཚོད་༦ པའི་མཁས་མང་བློ་གསལ་གླིང་གྲྭ་ཚང་གིས་རྗེས་འཇུག་མཆོད་འབུལ་སླད་གྲྭ་ཚང་གི་སྐྱབས་རྗེ་མཁན་རིན་པོ་ཆེ་རྗེ་བཙུན་བློ་བཟང་བསམ་གཏན་མཆོག་དབུ་བཞུགས་ཐོག་འདུས་མང་ཡོངས་ཀྱིས་དབུ་མ་འཇུག་པ་དང་རྟེན་འབྲེལ་བསྟོད་པ་སོགས་གསུང་གནང་བ་དང་། བློ་གླིང་གྲྭ་ཚང་དང་། ཐེ་ཝན་བློ་གླིང་ཆོས་ཚོགས། ཁྲི་ཟུར་བླ་བྲང་། ལ་དྭགས་རི་རྫོང་དགའ་ལྡན་འཕེལ་རྒྱས་གླིང་དང་བསམ་གཏན་གླིང་དགོན། དཔེ་ཐུབ་ཁམས་ཚན། ཀླུ་འཁྱིལ་ཁམས་ཚན་སོགས་ནས་དགེ་འདུན་འདུས་རྒྱ་མཚོ་ལ་གསོལ་ཇ་དང་སྐུ་ཡོན་སོགས་ཀྱིས་བསྙེན་བཀུར་རྒྱ་ཆེར་ཞུས། ཁྲིམས་བདག་དགེ་བསྐོས་དགེ་བཤེས་ཐུབ་བསྟན་ལྷུན་འགྲུབ་མཆོག་གིས་ཚོགས་དབུས་སུ་སྐྱབས་ཐོ་སྒྲོག་སྦྱངས་གནང་བ་དང་སྐྱབས་འཇུག་རྒྱ་ཆེར་ཞུས། སྐྱབས་རྗེ་མཁན་རིན་པོ་ཆེ་རྗེ་བཙུན་བློ་བཟང་བསམ་གཏན་མཆོག་གིས་༸སྐྱབས་རྗེ་དགའ་ལྡན་ཁྲི་ཟུར་རིན་པོ་ཆེ་མཆོག་གི་སྐུ་ཚེ་འདིའི་རྣམ་ཐར་རྒྱས་གསུང་གནང་བ་དང་། གྲྭ་ཚང་རིན་པོ་ཆེ་ལ་ཤིན་ཏུ་ནས་བཀའ་དྲིན་ཆེན་པོ་ཡིན་པ་སོགས་གསུང་གནང་སོང་།
དགོང་མོའི་ཆུ་ཚོད་༦ པའི་མཁས་མང་བློ་གསལ་གླིང་གྲྭ་ཚང་གིས་རྗེས་འཇུག་མཆོད་འབུལ་སླད་གྲྭ་ཚང་གི་སྐྱབས་རྗེ་མཁན་རིན་པོ་ཆེ་རྗེ་བཙུན་བློ་བཟང་བསམ་གཏན་མཆོག་དབུ་བཞུགས་ཐོག་འདུས་མང་ཡོངས་ཀྱིས་དབུ་མ་འཇུག་པ་དང་རྟེན་འབྲེལ་བསྟོད་པ་སོགས་གསུང་གནང་བ་དང་། བློ་གླིང་གྲྭ་ཚང་དང་། ཐེ་ཝན་བློ་གླིང་ཆོས་ཚོགས། ཁྲི་ཟུར་བླ་བྲང་། ལ་དྭགས་རི་རྫོང་དགའ་ལྡན་འཕེལ་རྒྱས་གླིང་དང་བསམ་གཏན་གླིང་དགོན། དཔེ་ཐུབ་ཁམས་ཚན། ཀླུ་འཁྱིལ་ཁམས་ཚན་སོགས་ནས་དགེ་འདུན་འདུས་རྒྱ་མཚོ་ལ་གསོལ་ཇ་དང་སྐུ་ཡོན་སོགས་ཀྱིས་བསྙེན་བཀུར་རྒྱ་ཆེར་ཞུས། ཁྲིམས་བདག་དགེ་བསྐོས་དགེ་བཤེས་ཐུབ་བསྟན་ལྷུན་འགྲུབ་མཆོག་གིས་ཚོགས་དབུས་སུ་སྐྱབས་ཐོ་སྒྲོག་སྦྱངས་གནང་བ་དང་སྐྱབས་འཇུག་རྒྱ་ཆེར་ཞུས། སྐྱབས་རྗེ་མཁན་རིན་པོ་ཆེ་རྗེ་བཙུན་བློ་བཟང་བསམ་གཏན་མཆོག་གིས་༸སྐྱབས་རྗེ་དགའ་ལྡན་ཁྲི་ཟུར་རིན་པོ་ཆེ་མཆོག་གི་སྐུ་ཚེ་འདིའི་རྣམ་ཐར་རྒྱས་གསུང་གནང་བ་དང་། གྲྭ་ཚང་རིན་པོ་ཆེ་ལ་ཤིན་ཏུ་ནས་བཀའ་དྲིན་ཆེན་པོ་ཡིན་པ་སོགས་གསུང་གནང་སོང་།
དགུང་ལོ་ཉི་ཤུ་པ་(༡༩༤༦)ལོར་དམ་པ་དེ་ཉིད་ཀྱིས་མཁན་སློབ་སྦྲགས་མ་གནང་སྟེ་བསྙེན་རྫོགས་ཀྱི་སྡོམ་པ་མནོས། དངུལ་ཆུ་སྤྲུལ་པའི་སྐུ་ལས་རྗེ་ཡབ་སྲས་གསུམ་གྱི་གསུང་འབུམ་སོགས་ཀྱི་བཀའ་ལུང་གསན། (༡༩༤༩)ལོར་སྐྱབས་རྗེ་ཁྲི་རིན་པོ་ཆེ་རྗེ་བཙུན་ལྷུན་གྲུབ་བརྩོན་འགྲུས་མཆོག་དགོངས་པ་རྫོགས་རྗེས། གདན་ས་ཆེན་པོ་དཔལ་ལྡན་འབྲས་སྤུངས་བློ་གསལ་གླིང་གྲྭ་ཚང་དུ་ཆོས་ཞུགས་མཛད་ནས། སྐྱབས་རྗེ་བ་ཀུ་ལ་རིན་པོ་ཆེའི་ཡོངས་འཛིན་རྒྱས་པ་མཁན་ཟུར་བློ་བཟང་འབྱུང་གནས་དཔལ་བཟང་པོ་མཆོག་རྩ་བའི་ཡོངས་འཛིན་ཏུ་བསྟེན་ནས། ཐོག་མར་བསྡུས་གྲྭ་ནས་བཟུང་ཕར་ཕྱིན་ཆ་ཚང་དཔེ་ཁྲིད་གསན། དམ་པ་གང་ཉིད་དགོངས་པ་རྫོགས་རྗེས་ཏྲེ་ཧོར་དགེ་བཤེས་བསོད་ནམས་མགོན་པོ་མཆོག་དང༌། ཤག་སྐོར་མཁན་རིན་པོ་ཆེ་ཉི་མ་རྒྱལ་མཚན་མཆོག རྒྱས་པ་མཁན་པོ་སྟོད་མཚམས་བླ་མ་རིན་པོ་ཆེ་འཇམ་དཔལ་འཕྲིན་ལས་ཡོན་ཏན་རྒྱ་མཚོ་མཆོག་དང༌། བློ་གླིང་མཁན་རིན་པོ་ཆེ་རྗེ་བཙུན་པདྨ་རྒྱལ་མཚན་མཆོག ཁུ་ནུ་དགེ་བཤེས་རིག་འཛིན་བསྟན་པ་མཆོག རྒྱལ་རོང་མཁན་ཟུར་རིན་པོ་ཆེ་རྗེ་བཙུན་འཇམ་དཔལ་བསམ་འཕེལ་ནས་འདུལ་མཛོད་གཙོ་བོར་གྱུར་པའི་མདོ་སྔགས་ཀྱི་ཆོས་མང་དུ་གསན་ཞིང་གདན་སར་བཞུགས་རིང༌། བསྡུས་གྲྭ་དང་བློ་རྟགས་ལོ་གཉིས། ཕར་ཕྱིན་ལོ་ལྔ། དབུ་མ་ལོ་གཉིས་ཐོག་བདག་འགོག་ཚོགས་ལངས་ཀྱི་དམ་བཅའ་བསྐོར། འདུལ་བ་ལོ་གཅིག་ལྷག་ཙམ་རིང་གཟིགས། ཚོགས་ཆོས་རྭ་ཆད་མེད་ཀྱིས་བག་ཡོད་ཞི་དུལ་གྱི་སྒོ་ནས་གསན་བསམ་ཚུལ་བཞིན་མཛད། ཌལ་ལ་ཧོ་སི་གདན་ས་གསུམ་གྱི་མཁས་པ་མང་དག་གཅིག་བཞུགས་ཡོད་སྐབས་སྐྱབས་རྗེ་བཀྲིན་མཚུངས་མེད་རྒྱལ་རོང་མཁན་ཟུར་རིན་པོ་ཆེ་མཆོག་གིས་ཡང་ཡང་བསྐུལ་བ་ལྟར་ཌལ་ལ་ཧོ་སི་རུ་ལོ་གཅིག་ལྷག་ཙམ་རིང་འདུལ་མཛོད་ཀྱི་རྩོད་སྦྱངས་གནང་སྟེ་༡༩༧༢)ལོར་ས་གནས་དེར་དགེ་བཤེས་ལྷ་རམས་འཕར་མའི་མཚན་རྟགས་བཞེས། དེ་འཕྲལ་རྒྱུད་སྨད་དུ་སྒྲིག་ཞུགས་མཛད་ནས་དཔལ་ལྡན་སྨད་རྒྱུད་གྲྭ་ཚང་གི་མཁན་རིན་པོ་ཆེ་མཆོག་གི་དྲུང་ནས་འགྲེལ་བ་བཞི་སྦྲགས་སོགས་སྔགས་ཀྱི་འཆད་ཉན་ལེགས་གྲུབ་ཐོག་ལོ་གཉིས་རིང་རྒྱུད་པའི་ཆོས་ཐོག་ཆ་ཚང་སྐོར་བར་མཛད།
ཕྱི་ལོ་(༡༩༧༤)ལོར་རྒྱུད་པའི་དགེ་བསྐོས་མཛད། ྋགོང་ས་མཆོག་གིས་སྨད་རྒྱུད་གྲྭ་ཚང་གི་བླ་མ་དབུ་མཛད་ཀྱི་ཕྱག་རྟགས་ཕེབས་ཏེ་ལོ་གཅིག་རིང་བླ་མ་དབུ་མཛད་གནང༌། དེའི་རྗེས་ལོ་གསུམ་རིང་མཁན་པོ་གནང་སྐབས་གྲྭ་ཚང་གི་སྒྲིག་ལམ་ཀུན་སྤྱོད་ཆོས་འཆད་ཉན་སོགས་སྔོན་བྱོན་གོང་མའི་མཛད་བཟང་ལྟར་བསྟན་པའི་མིག་རྒྱན་དུ་འགྱུར་བར་མཛད། ྋགོང་ས་མཆོག་གིས་ནང་ཆོས་ཀྱི་སློབ་སྦྱོང་བྱེད་རྒྱུར་དབུ་བཙུགས་ནས་ཕྱིས་ཀྱི་ལས་སྣེ་རིམ་བྱོན་གྱིས་ལམ་སྲོལ་དེ་ཉིད་གཞིར་བཟུང་གིས་ཐུགས་ཁུར་ཆེ་བ་བསྣམས་ཏེ་འབད་རྩོལ་མུ་མཐུད་གནང་བས། དེང་སྐབས་གསར་བུ་བ་རྣམས་ཀྱི་སློབ་སྦྱོང་ཡར་རྒྱས་འགྲོ་བཞིན་པར་བརྟེན། ྋགོང་ས་མཆོག་ནས་ཁྱེད་རང་ནས་རྒྱུད་པའི་ལས་སྣེའི་སྐབས་བྱས་རྗེས་ཆེན་པོ་བྱུང་འདུག་ཅེས་དགྱེས་ཚུལ་ཆེན་པོ་གནང༌།
ཕྱི་ལོ་(༡༩༨༤)ལོར་སླར་ཡང་ྋགོང་ས་མཆོག་གིས་བློ་གླིང་མཁན་པོར་ཕྱག་རྟགས་བསྩལ་བར་དགོངས་ཞུས་མཛད་ཀྱང་ལོ་གཉིས་ཙམ་རིང་ངེས་པར་བྱེད་དགོས་ཕེབས་པ་ལྟར་ལོ་གཉིས་ཚང་ནའང་གྲྭ་ཚང་གིས་མཁན་ཐོག་གཅིག་རིང་ངེས་པར་རང་འཇགས་འཇོག་གནང་ཡོང་བ་ྋགོང་ས་མཆོག་ལ་ཡང་ཡང་སྙན་སྐུལ་ནན་ཞུས་དོན་སོན་ཐོག ལོ་དྲུག་ལྷག་ཙམ་མཁན་པོའི་ཕྱག་ལས་ཁུར་བཞེས་ཀྱིས་གྲྭ་ཚང་གི་སྒྲིགས་ལམ་དང་སློབ་གཉེར་བ་རྣམས་ལ་སློབ་གཉེར་ཤུགས་སྣོན་ཡོང་ཆེད་རྒྱུགས་སྤྲོད་སོགས་ལ་གཟིགས་ཞིབ་ནན་ཏན་མཛད་པའི་འབྲས་རྟགས་སུ་སློབ་གཉེར་ཡར་རྒྱས་ཕྱིན་པར་བརྟེན། རྒྱུགས་སྤྲོད་སྐོར་གྱི་གཏན་འབེབས་སྒྲིག་གཞི་ཞིག་ཀྱང་བྱུང་ན་ལེགས་ཚུལ་གསུང་མཁན་མང་པོ་བྱུང་བར་བརྟེན། ཝཱ་ར་ན་སིའི་སློབ་སྤྱི་ཟམ་གདོང་རིན་པོ་ཆེ་མཆོག་དང་གོ་བསྡུར་གྱིས། སྔོན་གྲྭ་ཚང་རང་གི་སློབ་སྦྱོང་གནང་ཚུལ་གཞིར་བཟུང༌། དེང་དུས་ཀྱི་རྒྱུགས་སྤྲོད་བྱེད་ཚུལ་ལེགས་ཆ་སྣོན་དགོས་རིགས་བསྣན། ྋགོང་ས་མཆོག་གི་དགོངས་བཞེད་དང་བསྟུན་ཏེ་སྒྲིག་གཞི་གསར་བཟོ་ཟིན་པ་རྒྱུགས་སྤྲོད་ཚོགས་ཆུང་ནས་སྤར་བསྐྲུན་གྱིས་སྤར་ཕུད། ྋགོང་ས་མཆོག་ལ་ཕུལ་བས་སྒྲིག་གཞི་བཟོ་ཐུབ་པ་ལེགས་པོ་བྱུང་འདུག་འདི་ལ་ངོས་ནས་ལྟ་རྟོག་བྱེད་ཀྱི་ཡིན། གྲྭ་ཚང་གཞན་ལ་ཡང་འདི་འདྲའི་སྒྲིག་གཞི་བྱུང་ན་ཞེས་ཐུགས་མཉེས་ཚུལ་གནང་། ཕྱི་ལོ ༡༩༩༠ ལོར་ཨ་རིར་ཁུལ་ཇོ་རྗི་ཡ་མངའ་སྡེ་སོགས་སུ་བློ་གླིང་གྲྭ་ཚང་གི་ཆེད་དུ་ཕེབས་ཏེ། ཁུལ་དེ་དག་ཏུ་དམ་པའི་ཆོས་འཁོར་རྒྱ་ཆེར་བསྐོར་ཏེ། ལོ་དེ་རང་ལ་ཕྱིར་ལོག གྲ་ཚང་ལ་ཟང་ཟིང་གི་འབུལ་དངོས་གཏོས་ཆེར་བཞག རབ་བྱུང་བཅུ་བཅུ་བདུན་པའི་ལྕགས་ལུག་(༡༩༩༡)ལོར་མཁན་ཁྲི་ལས་འཕོས་ཏེ། ལ་དྭགས་སུ་བསམ་གཏན་གླིང་དགོན་དུ་ལོ་གསུམ་ལྷག་ཙམ་རིང་འཇིགས་བྱེད་དཔའ་གཅིག་གི་བསྙེན་ཆེན་དུ་བཞུགས།
དགུང་ལོ་རེ་དགུ་པ་ཕྱི་ལོ་༡༩༩༥ཕྱི་ཟླ་༨ཚེས་༢ཉིན་ྋགོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གི་སྤྱན་སྔ་ནས། བྱང་རྩེ་ཆོས་རྗེར་བསྐོ་བཞག་གི་ཕྱག་རྟགས་ཕེབས་ཤིང༌། དེ་ནས་ཧི་མ་ལ་ཡི་ནང་པའི་ཆོས་ཚོགས་ཀྱིས་གོ་སྒྲིག་གིས་ྋགོང་ས་མཆོག་ལ་བརྟན་བཞུགས་འབུལ་སྐབས་མཎྜལ་བཤད་པ་གསུང་ཆེད་ལ་དྭགས་ནས་རྡ་རམ་ས་ལར་ཆིབས་བསྒྱུར་བསྐྱངས་པ་དང་ཆབས་ཅིག་ཕྱི་ལོ་༡༩༩༥ ཕྱི་ཟླ་༨ཚེས་༢༦ཉིན་ྋགོང་ས་མཆོག་ལ་མཇལ་འཕྲད་ཞུས་ཏེ་སྐུའི་ཕོ་བྲང་དུ་རྟེན་འབྲེལ་དགའ་སྟོན་བསྐྱངས་ཤིང༌། ཕྱི་ཚེས་༢༧ཉིན་གྲྭ་ཚང་ནས་ཇི་ལྟར་གསོལ་བ་བཏབ་པ་བཞིན་ལྡི་ལི་ནས། གོ་ཝ་གནམ་གྲུ་བརྒྱུད་ཕྱི་ཚེས་༢༨སྔ་དྲོ་ཆུ་ཚོད་༨ཐོག་དགའ་ལྡན་ཁྲི་ཐོག་བརྒྱ་པ་རྗེ་བཙུན་བློ་བཟང་ཉི་མ་མཆོག་དང༌། མཁན་པོ་གསར་པ་དགེ་བའི་བཤེས་གཉེན་ཆེན་པོ་དཀོན་མཆོག་དཔག་བསམ་རྣམས་དབུ་བཞུགས་ཐོག་མཛད་སྒོ་དང་ཆབས་ཅིག་འབྲས་བློ་གླིང་གྲྭ་ཚང་དུ་བྱང་རྩེ་ཆོས་རྗེའི་རྟེན་འབྲེལ་མཛད་སྒོ་གཟབ་རྒྱས་ངང་བསྐྱངས། སྤྱི་ལོ་༡༩༩༥ཕྱི་ཟླ་༩ཚེས་༡ཉིན་སྔ་དྲོ་དགའ་ལྡན་ཚོགས་ཆེན་དང་། བྱང་རྩེ་གྲྭ་ཚང་ཚ་བ་ཁང་ཚན་བཅས་སུ་རིན་པོ་ཆེ་ནས་མང་ཇ་བཞེས་བག་སྐུ་འགྱེད། གྲྭ་ཚང་དུ་གྲྭ་ཇ་སྐུ་འགྱེད། ལམ་རིམ་གསུང་ཆོས་བཅས་སྩལ་ནས་རྟེན་འབྲེལ་མཛད་སྒོ་བསྐྱངས་ཡོད་ཅིང༌། ཉིན་དེར་དགའ་ལྡན་དུ་མཛད་སྒོ་གྲུབ་ནས་ཉིན་གུང་རྒྱབ་འབྲས་སྤུངས་ཀླུ་འཁྱིལ་ཁང་ཚན་ནང་བརྟན་བཞུགས་མདོར་བསྡུས་ཐོག་བྱང་རྩེ་ཆོས་རྗེའི་རྟེན་འབྲེལ་མཛད་སྒོ་གཟབ་རྒྱས་ངང་བསྐྱངས་ནས། འཇམ་མགོན་བསྟན་པའི་གསལ་བྱེད་དགའ་ལྡན་བྱང་རྩེ་ཆོས་རྗེའི་ཁྲིར་མངའ་གསོལ།
ཕྱི་ལོ་(༡༩༨༤)ལོར་སླར་ཡང་ྋགོང་ས་མཆོག་གིས་བློ་གླིང་མཁན་པོར་ཕྱག་རྟགས་བསྩལ་བར་དགོངས་ཞུས་མཛད་ཀྱང་ལོ་གཉིས་ཙམ་རིང་ངེས་པར་བྱེད་དགོས་ཕེབས་པ་ལྟར་ལོ་གཉིས་ཚང་ནའང་གྲྭ་ཚང་གིས་མཁན་ཐོག་གཅིག་རིང་ངེས་པར་རང་འཇགས་འཇོག་གནང་ཡོང་བ་ྋགོང་ས་མཆོག་ལ་ཡང་ཡང་སྙན་སྐུལ་ནན་ཞུས་དོན་སོན་ཐོག ལོ་དྲུག་ལྷག་ཙམ་མཁན་པོའི་ཕྱག་ལས་ཁུར་བཞེས་ཀྱིས་གྲྭ་ཚང་གི་སྒྲིགས་ལམ་དང་སློབ་གཉེར་བ་རྣམས་ལ་སློབ་གཉེར་ཤུགས་སྣོན་ཡོང་ཆེད་རྒྱུགས་སྤྲོད་སོགས་ལ་གཟིགས་ཞིབ་ནན་ཏན་མཛད་པའི་འབྲས་རྟགས་སུ་སློབ་གཉེར་ཡར་རྒྱས་ཕྱིན་པར་བརྟེན། རྒྱུགས་སྤྲོད་སྐོར་གྱི་གཏན་འབེབས་སྒྲིག་གཞི་ཞིག་ཀྱང་བྱུང་ན་ལེགས་ཚུལ་གསུང་མཁན་མང་པོ་བྱུང་བར་བརྟེན། ཝཱ་ར་ན་སིའི་སློབ་སྤྱི་ཟམ་གདོང་རིན་པོ་ཆེ་མཆོག་དང་གོ་བསྡུར་གྱིས། སྔོན་གྲྭ་ཚང་རང་གི་སློབ་སྦྱོང་གནང་ཚུལ་གཞིར་བཟུང༌། དེང་དུས་ཀྱི་རྒྱུགས་སྤྲོད་བྱེད་ཚུལ་ལེགས་ཆ་སྣོན་དགོས་རིགས་བསྣན། ྋགོང་ས་མཆོག་གི་དགོངས་བཞེད་དང་བསྟུན་ཏེ་སྒྲིག་གཞི་གསར་བཟོ་ཟིན་པ་རྒྱུགས་སྤྲོད་ཚོགས་ཆུང་ནས་སྤར་བསྐྲུན་གྱིས་སྤར་ཕུད། ྋགོང་ས་མཆོག་ལ་ཕུལ་བས་སྒྲིག་གཞི་བཟོ་ཐུབ་པ་ལེགས་པོ་བྱུང་འདུག་འདི་ལ་ངོས་ནས་ལྟ་རྟོག་བྱེད་ཀྱི་ཡིན། གྲྭ་ཚང་གཞན་ལ་ཡང་འདི་འདྲའི་སྒྲིག་གཞི་བྱུང་ན་ཞེས་ཐུགས་མཉེས་ཚུལ་གནང་། ཕྱི་ལོ ༡༩༩༠ ལོར་ཨ་རིར་ཁུལ་ཇོ་རྗི་ཡ་མངའ་སྡེ་སོགས་སུ་བློ་གླིང་གྲྭ་ཚང་གི་ཆེད་དུ་ཕེབས་ཏེ། ཁུལ་དེ་དག་ཏུ་དམ་པའི་ཆོས་འཁོར་རྒྱ་ཆེར་བསྐོར་ཏེ། ལོ་དེ་རང་ལ་ཕྱིར་ལོག གྲ་ཚང་ལ་ཟང་ཟིང་གི་འབུལ་དངོས་གཏོས་ཆེར་བཞག རབ་བྱུང་བཅུ་བཅུ་བདུན་པའི་ལྕགས་ལུག་(༡༩༩༡)ལོར་མཁན་ཁྲི་ལས་འཕོས་ཏེ། ལ་དྭགས་སུ་བསམ་གཏན་གླིང་དགོན་དུ་ལོ་གསུམ་ལྷག་ཙམ་རིང་འཇིགས་བྱེད་དཔའ་གཅིག་གི་བསྙེན་ཆེན་དུ་བཞུགས།
དགུང་ལོ་རེ་དགུ་པ་ཕྱི་ལོ་༡༩༩༥ཕྱི་ཟླ་༨ཚེས་༢ཉིན་ྋགོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གི་སྤྱན་སྔ་ནས། བྱང་རྩེ་ཆོས་རྗེར་བསྐོ་བཞག་གི་ཕྱག་རྟགས་ཕེབས་ཤིང༌། དེ་ནས་ཧི་མ་ལ་ཡི་ནང་པའི་ཆོས་ཚོགས་ཀྱིས་གོ་སྒྲིག་གིས་ྋགོང་ས་མཆོག་ལ་བརྟན་བཞུགས་འབུལ་སྐབས་མཎྜལ་བཤད་པ་གསུང་ཆེད་ལ་དྭགས་ནས་རྡ་རམ་ས་ལར་ཆིབས་བསྒྱུར་བསྐྱངས་པ་དང་ཆབས་ཅིག་ཕྱི་ལོ་༡༩༩༥ ཕྱི་ཟླ་༨ཚེས་༢༦ཉིན་ྋགོང་ས་མཆོག་ལ་མཇལ་འཕྲད་ཞུས་ཏེ་སྐུའི་ཕོ་བྲང་དུ་རྟེན་འབྲེལ་དགའ་སྟོན་བསྐྱངས་ཤིང༌། ཕྱི་ཚེས་༢༧ཉིན་གྲྭ་ཚང་ནས་ཇི་ལྟར་གསོལ་བ་བཏབ་པ་བཞིན་ལྡི་ལི་ནས། གོ་ཝ་གནམ་གྲུ་བརྒྱུད་ཕྱི་ཚེས་༢༨སྔ་དྲོ་ཆུ་ཚོད་༨ཐོག་དགའ་ལྡན་ཁྲི་ཐོག་བརྒྱ་པ་རྗེ་བཙུན་བློ་བཟང་ཉི་མ་མཆོག་དང༌། མཁན་པོ་གསར་པ་དགེ་བའི་བཤེས་གཉེན་ཆེན་པོ་དཀོན་མཆོག་དཔག་བསམ་རྣམས་དབུ་བཞུགས་ཐོག་མཛད་སྒོ་དང་ཆབས་ཅིག་འབྲས་བློ་གླིང་གྲྭ་ཚང་དུ་བྱང་རྩེ་ཆོས་རྗེའི་རྟེན་འབྲེལ་མཛད་སྒོ་གཟབ་རྒྱས་ངང་བསྐྱངས། སྤྱི་ལོ་༡༩༩༥ཕྱི་ཟླ་༩ཚེས་༡ཉིན་སྔ་དྲོ་དགའ་ལྡན་ཚོགས་ཆེན་དང་། བྱང་རྩེ་གྲྭ་ཚང་ཚ་བ་ཁང་ཚན་བཅས་སུ་རིན་པོ་ཆེ་ནས་མང་ཇ་བཞེས་བག་སྐུ་འགྱེད། གྲྭ་ཚང་དུ་གྲྭ་ཇ་སྐུ་འགྱེད། ལམ་རིམ་གསུང་ཆོས་བཅས་སྩལ་ནས་རྟེན་འབྲེལ་མཛད་སྒོ་བསྐྱངས་ཡོད་ཅིང༌། ཉིན་དེར་དགའ་ལྡན་དུ་མཛད་སྒོ་གྲུབ་ནས་ཉིན་གུང་རྒྱབ་འབྲས་སྤུངས་ཀླུ་འཁྱིལ་ཁང་ཚན་ནང་བརྟན་བཞུགས་མདོར་བསྡུས་ཐོག་བྱང་རྩེ་ཆོས་རྗེའི་རྟེན་འབྲེལ་མཛད་སྒོ་གཟབ་རྒྱས་ངང་བསྐྱངས་ནས། འཇམ་མགོན་བསྟན་པའི་གསལ་བྱེད་དགའ་ལྡན་བྱང་རྩེ་ཆོས་རྗེའི་ཁྲིར་མངའ་གསོལ།
རབ་བྱུང་བཅུ་བདུན་པའི་ས་ཡོས་(༡༩༩༩)ལོར་འབྲས་སྤུངས་དཔེ་ཐུབ་ཁམས་ཚན་དུ་དགེ་འདུན་བརྒྱ་ཕྲག་དུ་མར་བྱང་ཆུབ་ལམ་རིམ་ཆེན་མོའི་བཀའ་ཆོས་གནང༌། རབ་བྱུང་བཅུ་བདུན་པའི་ལྕགས་འབྲུག་(༢༠༠༠)ལོར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་ཆོས་ཞུ་བ་དད་ལྡན་སྟོང་ཕྲག་དུ་མར་རྒྱལ་བའི་བཀའ་འགྱུར་རིན་པོ་ཆེ་འགྱུར་རོ་ཅོག་གི་བཀའ་ཆོས་གནང༌། སྔ་ཕྱིར་སློབ་གཉེར་བ་མང་དག་ཅིག་ལ་རབ་བྱུང་དང་དགེ་ཚུལ་གྱི་བསླབ་སྡོམ་གནང༌། ལྕགས་སྦྲུལ་ཧོ་ཟླ་བཅུ་གཉིས་པ་(༢༠༠༢)ལོ་ཕྱི་ཟླ་དང་པོའི་ནང་གནས་མཆོག་རྡོ་རྗེ་གདན་དུ་འཛམ་གླིང་ཤར་ནུབ་ཀྱི་མི་རིགས་འདྲ་མིན་འདུས་པའི་མི་འབོར་འབུམ་ཕྲག་བཞི་ཙམ་ལ་རྒྱལ་དབང་མཆོག་གི་སྐུ་ཚབ་བྱས་ནས་རྒྱལ་སྲས་ལག་ལེན་སོ་བདུན་མའི་བཀའ་ཆོས་བསྩལ། གཞན་ཡང་ཕྱི་ལོ(༢༠༠༢)ལོར་གྲོང་འཁྱེར་གྱེརཱཛ་དུ་སྤྱིར་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དཔལ་དུས་ཀྱི་འཁོར་ལོའི་བཀའ་དབང་བསྩལ་སྐབས་སུ་སྔོན་འགྲོའི་གསུང་ཆོས་ལམ་གཙོ་རྣམ་གསུམ་སྩལ། ཤིང་སྤྲེལ་(༢༠༠༤)ལོར་ལ་དྭགས་གླེ་ཇོ་ཁང་དུ་སློབ་མ་སྐྱ་སེར་སྟོང་ཕྲག་བརྒལ་བར་བྱང་ཆུབ་ལམ་རིམ་ཆེན་མོའི་བཀའ་ཁྲིད་བསྩལ། ལོ་དེའི་ཟླ་བ་༦པའི་ཚེས་༢༦ཉིན་ཇ་པཎ་ལོ་ས་ཀ་རྒྱ་གར་ནང་གི་ཆོས་ཚོགས་ཀྱི་ཚོགས་གཙོའི་ཚབས་མཛད་དེ་འཛམ་གླིང་ནང་པའི་ཚོགས་ཐེངས་བདུན་པ་ཕེབས་ནས་ནང་ཆོས་བཀའ་སློབ་སྩལ། ཕྱི་ཟླ་༧པའི་ནང་རྒྱ་ནག་ཏུ་ཕེབས་ནས་རི་བོ་རྩེ་ལྔའི་གནས་ཆེན་ཁག་ལ་གནས་གཟིགས་སྐྱངས། རྒྱལ་ས་པེ་ཅིང་དུ་སློབ་མ་གྲངས་ཉེར་དྲུག་ཙམ་ལ་རྣལ་འབྱོར་མའི་ལྗགས་ཁྲིད་གནང། ཕྱི་ཟླ་བདུན་པའི་ཚེས་ཉེར་གཉིས་ཉིན་སོག་ཡུལ་ཨོ་ལམ་བྷ་རྡུར་དུ་ཕེབས་ནས་སོག་པོ་རྣམས་ལ་བཀའ་སློབ་དང་ཆོས་འབྲེལ་མང་དུ་སྩལ། ཤིང་བྱ་(༢༠༠༥)ལོར་ཐེ་ཝན་དུ་ཕེབས་ནས་མདོ་སྔགས་ཀྱི་གསུང་ཆོས་མང་དུ་སྩལ། ཕྱི་ལོ་༢༠༠༥ཟླ་བ་༣པར་ཨ་རིར་ཕེབས་ཏེ་ས་གནས་འགའ་ཞིག་ཏུ་སྤྱོད་འཇུག་བཟོད་པའི་ལེའུ་དང་ལམ་རིམ་ཆེན་མོ། རྡོ་རྗེ་སེམས་པའི་རྗེ་གནང་དང་བསྒོམ་ཟླས་བཀའ་སློབ་བཅས་གནང།
མེ་ཁྱི་ཕྱི་ལོ་༢༠༠༦ཟླ་བ་༡༢པའི་ཚེས་༡ནས་ཕྱི་ལོ་༢༠༠༧ཕྱི་ཟླ་༣བར་ཐེ་ཝན་དུ་ཆིབས་བསྒྱུར་སྐབས་སུ་ལམ་རིམ་ཁྲིད་ཆེན་བརྒྱད་ཀྱི་བཀའ་ཆོས་དང་སྨོན་ལམ་ཆེན་མོ་རྗེས་སུ་འཇིགས་བྱེད་ལྷ་བཅུ་གསུམ་གྱི་དཀའ་དབང་སྩལ། མེ་ཕག་(༢༠༠༧)ལོར་གནས་དེར་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གསུང་ཆོས་གནང། ལོ་དེའི་སྤྱི་ཟླ་བཞི་པའི་ཚེས་བཞི་ཉིན་མདོ་ཁམས་ཆུ་བཞི་སྒང་དྲུག་གིས་གོང་ས་མཆོག་ལ་བརྟན་བཞུགས་འདེགས་འབུལ་སྐབས་ཇི་ལྟར་གསོལ་བ་བཏབ་པ་བཞིན་ཞལ་བཞེས་གནང་སྟེ། གོང་ས་སྐྱབས་མགོན་ཆེན་པོ་མཆོག་གི་སྐུ་རབས་ཕྲེང་བ་རིམ་བྱུང་གིས་བོད་བསྟན་སྲིད་ལ་བཀའ་དྲིན་ཇི་ལྟར་སྐྱངས་ཚུལ་ནས་ད་ལྟའི་དངོས་ཀྱི་རྨད་དུ་བྱུང་བའི་མཛད་པ་རེ་རེར་བཞིན་བགྲངས་ནས་མཎྜལ་ལྗགས་བཤད་ཤིན་ཏུ་ཞིབ་ཅིང་རྒྱས་པ་གནང་།
མེ་ཁྱི་ཕྱི་ལོ་༢༠༠༦ཟླ་བ་༡༢པའི་ཚེས་༡ནས་ཕྱི་ལོ་༢༠༠༧ཕྱི་ཟླ་༣བར་ཐེ་ཝན་དུ་ཆིབས་བསྒྱུར་སྐབས་སུ་ལམ་རིམ་ཁྲིད་ཆེན་བརྒྱད་ཀྱི་བཀའ་ཆོས་དང་སྨོན་ལམ་ཆེན་མོ་རྗེས་སུ་འཇིགས་བྱེད་ལྷ་བཅུ་གསུམ་གྱི་དཀའ་དབང་སྩལ། མེ་ཕག་(༢༠༠༧)ལོར་གནས་དེར་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གསུང་ཆོས་གནང། ལོ་དེའི་སྤྱི་ཟླ་བཞི་པའི་ཚེས་བཞི་ཉིན་མདོ་ཁམས་ཆུ་བཞི་སྒང་དྲུག་གིས་གོང་ས་མཆོག་ལ་བརྟན་བཞུགས་འདེགས་འབུལ་སྐབས་ཇི་ལྟར་གསོལ་བ་བཏབ་པ་བཞིན་ཞལ་བཞེས་གནང་སྟེ། གོང་ས་སྐྱབས་མགོན་ཆེན་པོ་མཆོག་གི་སྐུ་རབས་ཕྲེང་བ་རིམ་བྱུང་གིས་བོད་བསྟན་སྲིད་ལ་བཀའ་དྲིན་ཇི་ལྟར་སྐྱངས་ཚུལ་ནས་ད་ལྟའི་དངོས་ཀྱི་རྨད་དུ་བྱུང་བའི་མཛད་པ་རེ་རེར་བཞིན་བགྲངས་ནས་མཎྜལ་ལྗགས་བཤད་ཤིན་ཏུ་ཞིབ་ཅིང་རྒྱས་པ་གནང་།
ཕྱི་ལོ་༢༠༠༩ཕྱི་ཟླ་༡༡ཚེས་༡ཉིན་རྒྱ་གར་ལྷོ་ཕྱོགས་དགའ་ལྡན་རྣམ་པར་རྒྱལ་བའི་གླིང་དུ་ཞབས་སོར་འཁོད་དེ་དགའ་ལྡན་བླ་སྤྱིའི་གཙུག་ལག་ཁང་དུ་འཇམ་མགོན་རྒྱལ་བའི་རྒྱལ་ཚབ་ཀྱི་མི་འཇིགས་གདོང་ལྔས་བཏེགས་པའི་ཁྲི་འཕང་མཐོན་པོར་ཞབས་ཟུང་འཁོར་ལོའི་རེ་ཁ་མངོན་པར་བཀོད། ཟླ་བ་༡༡ཚེས་༦ཉིན་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དང་། དཔལ་ལྡན་འབྲས་དཀར་སྤུངས་པའི་ལས་སྣ་དབུ་ཆོས་སོགས་ཀྱིས་ཕེབས་བསུའི་སེར་སྦྲེངས་བརྒྱུད་ཐོག་མར་དགའ་ལྡན་ཚ་བ་ཁང་ཚན་དང། དེ་ནས་དགའ་ལྡན་རྣམ་པར་རྒྱལ་བའི་གླིང་གི་ཚོགས་ཆེན་དུ་འཇམ་མགོན་རྒྱལ་བ་གཉིས་པའི་གསེར་ཁྲིར་མངའ་གསོལ་གྱི་མཛད་སྒོ་བསྐྱངས། ཕྱི་ཟླ་༡༡་ཚེས་༡༧ནས་གདན་ས་བཀྲ་ཤིས་ལྷུན་པོར་རྗེ་དངུལ་ཆུ་ཡབ་སྲས་ཀྱི་གསུང་འབུམ་ལྷག་འཕྲོ་རྣམས་ཀྱི་ལྗགས་ལུང་བཀྲིན་བསྐྱངས། དེ་བཞིན་གཙོ་བོ་གདན་ས་ཆེན་པོ་དཔལ་ལྡན་འབྲས་དཀར་སྤུངས་པར་བཞུགས་ནས་སློབ་གཉེར་བ་རྣམས་ལ་དཔེ་ཁྲིད་དང། གྲྭ་ཚང་ཁག་ལ་ཆོས་སྲིད་ཀྱི་སློབ་སྟོན་དང། ཕྱི་རྒྱལ་གྱི་ཡུལ་གྲུ་ཁག་ཏུ་ཕེབས་ནས་དོན་གཉེར་བ་རྣམས་ལ་རང་རང་གི་འདོད་པ་མཐུན་པར་གསུང་ཆོས་སྣ་ཚོགས་བསྩལ། ཁྲི་བའི་བྱེད་སྒོ་ཚུལ་བཞིན་སྐྱོང་པའི་མུར། འཕགས་པའི་ཡུལ་གྱི་དགེ་ལྡན་པའི་གདན་ས་ཁག་དང་། ལ་དྭགས་དང་། མོན། སོག་ཡུལ། ཐེ་ཝན། དབྱིན་ཡུལ། ཨ་རི། ཨི་ཊ་ལི། འཇར་པན། རྒྱ་གར་སོགས་སྐད་དང་ཤ་མདོག་མི་གཅིག་པའི་རྒྱལ་ཁབ་དང་མི་རིགས་འདྲ་མིན་ཡུལ་ལུང་ཁག་ཏུ་དད་ལྡན་སྐྱེ་འགྲོ་རྣམས་ཀྱི་འདོད་ཆོས་ཀྱི་རེ་བ་སྐོང་བ་སོགས་བསྟན་འགྲོར་སྨན་པའི་མཛད་འཕྲིན་རྒྱ་ཆེར་སྐྱོང་།
འཇམ་མགོན་རྒྱལ་བའི་རྒྱལ་ཚབ་མཚུངས་མེད་ཆོས་ཀྱི་རྗེ་ཁྲི་རིན་པོ་ཆེ་སྐྱབས་རྗེ་རི་རྫོང་རིན་པོ་ཆེ་འདི་ཉིད་ཀྱི་མདུན་ནས་གོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་བའི་དབང་པོ་བསྟན་འཛིན་རྒྱ་མཚོས་ཀྱང་ཟབ་པ་དང་རྒྱ་ཆེ་བའི་དམ་པའི་ཆོས་ཇི་སྙེད་ཅིག་གསན་བཞེས་གནང་ཞིང་། དེ་ཡང་ཐོག་མར་ཆོས་འབྲེལ་ཇི་ལྟར་བྱུང་བའི་ཚུལ་ནི། སྐྱབས་རྗེ་རི་རྫོང་རིན་པོ་ཆེར་ཀླུ་སྒྲུབ་ཀྱིས་མཛད་པའི་བསྟོད་ཚོགས་ཀུན་དང་། རྩ་ཤེས་ཀྱི་འགྲེལ་པ་བུདྡྷ་པཱ་ལི་ཏ་དང་ཚིག་གསལ་གྱི་ལུང་རྒྱུན་ཡོད་པས་གཞུང་ཆེན་དེ་དག་གི་ལུང་གི་རྒྱུན་ནོད་པར་མ་བྱས་ན་ཤིན་ཏུ་ཕངས་སོ་སྙམ་དུ་དགོངས་པ་དང་། གཞུང་ཆེན་མོའི་བཤད་པའི་རྒྱུན་ཉམས་ན་བསྟན་པ་རིན་པོ་ཆེ་ཉམས་པའི་རྐྱེན་ཡང་དེ་ལས་ཆེ་བ་མེད་པ་དང་། གཞུང་ཆེན་འདི་དག་གི་འཆད་ཉན་གྱི་རྒྱུན་རྒྱ་ཆེར་སྤེལ་བ་ཞིག་མ་བྱུང་ན་འཆད་ཉན་གྱི་རྒྱུན་ཆད་པའི་ཉེས་སུའང་གཟིགས་ནས་ཁྲི་རིན་པོ་ཆེ་གང་ཉིད་ལ་མངའ་བའི་གཞུང་ཆེན་དེ་དག་གི་ལུང་རྒྱུན་གསན་བཞེས་མཛད། ཆོས་ཀྱི་རྗེ་ཁྲི་རིན་པོ་ཆེའི་ཞལ་སྔ་ནས་ལས་གོང་ས་མཆོག་གིས་གསན་བཞེས་གང་མཛད་པ་རྣམས་ཀྱི་ཐོ་ཡིག་ལྟར་འགོད་ན། བསྟན་འགྱུར་གྱི་ཁྲོད་དུ་བཞུགས་པའི་ཀླུ་སྒྲུབ་ཀྱི་བསྟོད་ཚོགས་ཆ་ཚང་གི་ལུང་དང་། སྐྱེས་རབས་དང་བྱང་ས་དང་ཚོམས་བཅས་ཀྱི་ལུང་། འགྲེལ་པ་བུདྡྷ་པཱ་ལི་ཏ་དང་དབུ་མ་ཚིག་གསལ་གཉིས་ཀྱི་ལུང་། བསྟན་འགྱུར་བསྟོད་ཚོགས་ཀྱི་ཁྲོད་དུ་བཞུགས་པའི་སེམས་ཅན་མགུ་བར་བྱེད་པའི་བསྟོད་པའི་ལུང་བཅས་སོ། །
འཇམ་མགོན་རྒྱལ་བའི་རྒྱལ་ཚབ་མཚུངས་མེད་ཆོས་ཀྱི་རྗེ་ཁྲི་རིན་པོ་ཆེ་སྐྱབས་རྗེ་རི་རྫོང་རིན་པོ་ཆེ་འདི་ཉིད་ཀྱི་མདུན་ནས་གོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་བའི་དབང་པོ་བསྟན་འཛིན་རྒྱ་མཚོས་ཀྱང་ཟབ་པ་དང་རྒྱ་ཆེ་བའི་དམ་པའི་ཆོས་ཇི་སྙེད་ཅིག་གསན་བཞེས་གནང་ཞིང་། དེ་ཡང་ཐོག་མར་ཆོས་འབྲེལ་ཇི་ལྟར་བྱུང་བའི་ཚུལ་ནི། སྐྱབས་རྗེ་རི་རྫོང་རིན་པོ་ཆེར་ཀླུ་སྒྲུབ་ཀྱིས་མཛད་པའི་བསྟོད་ཚོགས་ཀུན་དང་། རྩ་ཤེས་ཀྱི་འགྲེལ་པ་བུདྡྷ་པཱ་ལི་ཏ་དང་ཚིག་གསལ་གྱི་ལུང་རྒྱུན་ཡོད་པས་གཞུང་ཆེན་དེ་དག་གི་ལུང་གི་རྒྱུན་ནོད་པར་མ་བྱས་ན་ཤིན་ཏུ་ཕངས་སོ་སྙམ་དུ་དགོངས་པ་དང་། གཞུང་ཆེན་མོའི་བཤད་པའི་རྒྱུན་ཉམས་ན་བསྟན་པ་རིན་པོ་ཆེ་ཉམས་པའི་རྐྱེན་ཡང་དེ་ལས་ཆེ་བ་མེད་པ་དང་། གཞུང་ཆེན་འདི་དག་གི་འཆད་ཉན་གྱི་རྒྱུན་རྒྱ་ཆེར་སྤེལ་བ་ཞིག་མ་བྱུང་ན་འཆད་ཉན་གྱི་རྒྱུན་ཆད་པའི་ཉེས་སུའང་གཟིགས་ནས་ཁྲི་རིན་པོ་ཆེ་གང་ཉིད་ལ་མངའ་བའི་གཞུང་ཆེན་དེ་དག་གི་ལུང་རྒྱུན་གསན་བཞེས་མཛད། ཆོས་ཀྱི་རྗེ་ཁྲི་རིན་པོ་ཆེའི་ཞལ་སྔ་ནས་ལས་གོང་ས་མཆོག་གིས་གསན་བཞེས་གང་མཛད་པ་རྣམས་ཀྱི་ཐོ་ཡིག་ལྟར་འགོད་ན། བསྟན་འགྱུར་གྱི་ཁྲོད་དུ་བཞུགས་པའི་ཀླུ་སྒྲུབ་ཀྱི་བསྟོད་ཚོགས་ཆ་ཚང་གི་ལུང་དང་། སྐྱེས་རབས་དང་བྱང་ས་དང་ཚོམས་བཅས་ཀྱི་ལུང་། འགྲེལ་པ་བུདྡྷ་པཱ་ལི་ཏ་དང་དབུ་མ་ཚིག་གསལ་གཉིས་ཀྱི་ལུང་། བསྟན་འགྱུར་བསྟོད་ཚོགས་ཀྱི་ཁྲོད་དུ་བཞུགས་པའི་སེམས་ཅན་མགུ་བར་བྱེད་པའི་བསྟོད་པའི་ལུང་བཅས་སོ། །
དགུང་ལོ་དགུ་བཅུ་པ་རབ་བྱུང་བཅུ་བདུན་པའི་མེ་སྤྲེལ་(༢༠༡༦)ལོར་ཁྲི་ཆེན་འདི་ཉིད་མཛད་པ་ནམ་མཁའ་ཁྱོན་ལྟར་རྒྱ་ཆེན་ཞིང་འཕྲིན་ལས་རྒྱ་མཚོའི་འཇུག་པ་ལྟར་ཡངས་པོའི་སྒོ་ནས་བསྟན་པ་སྤྱི་དང་འཇམ་མགོན་རྒྱལ་བ་གཉིས་པའི་ལུགས་བཟང་མི་ནུབ་བླ་ན་འདེབས་པའི་རྣམ་ཐར་གཙང་མ་བདག་གིན་སྐྱོང་བཞིན་དགའ་ལྡན་ཁྲི་པའི་ལོ་བདུན་གྱི་དུས་ཡུན་གཙང་པས། ལོ་དེའི་ཟླ་༡༠ ཚེས་༡༩ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཇམ་མགོན་རྒྱལ་བའི་རྒྱལ་ཚབ་ཤར་པ་ཆོས་རྗེ་རྗེ་བཙུན་བློ་བཟང་བསྟན་འཛིན་མཆོག་དགའ་ལྡན་ཁྲི་ཐོག་༡༠༣ པར་བསྐོ་གཞག་མཛད་རྗེས་རང་ཉིད་དགའ་ལྡན་གསེར་ཁྲི་ལས་ཟུར་ཏེ། བཤད་སྒྲུབ་འཁོར་ལོ་གསུམ་གྱི་རྣམ་ཐར་གཙང་མ་བདག་གིར་སྐྱོང་བཞིན་པའི་མུར། དགུང་ལོ་གོ་དྲུག་པ་(༢༠༢༢)ལོའི་ཟླ་བ་༡༢ ཚེས ༨ དགོང་དྲོའི་ཆུ་ཚོད་༩ སྐར་མ་༡༥ ཐོག་གཟུགས་སྐུ་འི་བཀོད་ཆོས་དབྱིངས་སུ་ཞི་བར་གཤེགས་སོ། ། ཕྱིས་སུ་རྣམ་ཐར་རྒྱས་པ་མཁྱེན་འདོད་ན་རྗེ་བཙུན་དཔལ་ལྡན་བླ་མ་དམ་པ་མཆོག་གི་རྣམ་ཐར་རྒྱས་པ་ལ་གཟིགས་འཚལ།
