དཔལ་ལྡན་འབྲས་དཀར་སྤུངས་པའི་ཡ་གྱལ་མཁས་མང་བློ་གསལ་བྱེ་བའི་གླིང་གྲྭ་ཚང་གི་འདུས་མང་སྟོང་ཕྲག་གདན་འཛོམས་པའི་དབུས་སུ་ད་བར་གྲྭ་ཚང་འདི་ཉིད་ཀྱི་ཆེད་དུ་ལོ་ངོ་ཧྲིལ་པོ་བཅུ་སོང་བ་དང་དང་དེ་ཡན་གྱི་སྲི་ཞུའི་ཞལ་འདེབས་བསྒྲུབས་དང་སྒྲུབ་བཞིན་པ་རྣམས་ལ་གྲྭ་ཚང་གི་ངོས་ནས་བཀའ་དྲིན་རྗེས་དྲན་དང་ཆེ་བསྟོད་དང་རིམ་པས་སྲི་ཞུའི་གཟེངས་བསྟོད་ཕྱག་ཁྱེར་གཙོས་ཐུགས་རྗེ་ལེགས་འབུལ་བཅས་འབུལ་གནང་བ།
༈ བོད་རྒྱལ་ལོ་ ༢༡༤༤ རབ་བྱུང་བཅུ་བདུན་པའི་མེ་བྱ་བོད་ཟླ་ ༤ པའི་ཚེས་ ༢༣ ཕྱི་ལོ་ ༢༠༡༧ ཟླ་བ་ ༠༦ ཚེས་ ༡༧ རེས་གཟའ་སྤེན་པ་ཉིན། དཔལ་ན་ལེནྜ་གཉིས་པར་གྲགས་པ་བྱེས་ཀྱི་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་ཡ་གྱལ་མཁས་མང་བློ་གསལ་བྱེ་བའི་གླིང་གྲྭ་ཚང་གི་འདུས་མང་སྟོང་ཕྲག་གདན་འཛོམས་པའི་དབུས་སུ་ད་བར་གྲྭ་ཚང་འདི་ཉིད་ཀྱི་ཆེད་དུ་ལོ་ངོ་ཧྲིལ་པོ་བཅུ་སོང་བ་དང་དང་དེ་ཡན་གྱི་སྲི་ཞུའི་ཞལ་འདེབས་བསྒྲུབས་དང་སྒྲུབ་བཞིན་པའི་ཨ་རིའི་ཨེ་མོ་རི་གཙུག་ལག་སློབ་གྲྭའི་སློབ་དཔོན་ཆེན་མོ་དགེ་བཤེས་བློ་བཟང་བསྟན་འཛིན་མཆོག་དང་། དེ་བཞིན་གནས་བརྟན་བགྲེས་སོང་གཙོས་སྲི་ཞུ་བ་སེར་སྐྱ་བརྒྱ་ཕྲག་བརྒལ་བ་ཞིག་ལ། འབྲས་བློ་གླིང་གྲྭ་ཚང་གི་ངོས་ནས་བཀའ་དྲིན་རྗེས་དྲན་དང་ཆེ་བསྟོད་ཞུས་ཤིང་། ཁོང་རྣམས་ལ་རིམ་པས་སྲི་ཞུའི་གཟེངས་བསྟོད་ཕྱག་ཁྱེར་དང་། ཐུགས་རྗེ་ལེགས་འབུལ་བཅས་འབུལ་གནང་གིས་མཛད་སྒོ་ཚོགས་ཡོད་པ་བཅས།།
