༄༅།། ཆོས་སྡེ་ཆེ་མོ་དཔལ་ན་ལེནྡྲ་གཉིས་པ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་འདི་ལོའི་གསང་སྔགས་ཀྱི་ལོ་འཁོར་རྒྱུགས་སྤྲོད་ཆེ་མོ་དེ་ཡང་གྲྭ་མང་གི་རྒྱུགས་སྤྲོད་གྲུབ་པ་དང་ཟླ་འདིའི་ཚེས་༢༠་ཉིན་དབུ་འཛུགས་གནང་ཡོད་པ་དང་། དེ་ཡང་གསང་སྔགས་ཀྱི་ལོ་རིམ་གསུམ་ལ་རྒྱུགས་བཞུགས་བ་དགེ་བཤེས་༢༥༡་ཡོད་པ་དང་། ལོ་རིམ་དང་པོ་ནི་རྒྱུད་སྡེ་བཞིའི་རྣམ་བཞག་དང་། ལོ་རིམ་གཉིས་པ་བསྐྱེད་རིམ་གྱི་རྣམ་བཞག། ལོ་རིམ་གསུམ་པ་རྫོགས་རིམ་གྱི་རྣམ་བཞག་བཅས་ཡིན་ནོ།