ྋཀུན་གཟིགས་༧པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་དཔལ་བཟང་པོ་མཆོག་སྐུ་འཁྲུངས་ནས་དགུང་གྲངས་སུམ་ཅུ་ལ་ཕེབས་པའི་སྐུའི་འཁྲུངས་སྐར་ སྲུང་བརྩི་ཞུས་པ།
༄༅། །ཕྱི་ལོ་ ༢༠༡༩ ཟླ་ ༤ ཚེས་ ༢༥ ཉིན་དཔལ་ལྡན་འབྲས་སྤུངས་མཁས་མང་བློ་གསལ་གླིང་གྲྭ་ཚང་གིས་གོ་སྒྲིག་འོག་ྋཀུན་གཟིགས་༧པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་དཔལ་བཟང་པོ་མཆོག་སྐུ་འཁྲུངས་ནས་དགུང་གྲངས་སུམ་ཅུ་ལ་ཕེབས་པའི་སྐུའི་འཁྲུངས་སྐར་ སྲུང་བརྩི་ཞུས་པའི་མཛད་སྒོའི་སྐབས་སྐུ་མགྲོན་གཙོ་བོ་མོན་གྷོ་ས་གནས་འགོ་འཛིན་མཆོག་གི་སྐུ་ཚབ་གཞིས་ལས་ཁང་གི་རྩིས་པ་པ་སངས་དོན་འགྲུབ་མཆོག་དང་དཔལ་ལྡན་འབྲས་སྤུངས་མཁས་མང་བློ་གླིང་གྲྭ་ཚང་གི་༧སྐྱབས་རྗེ་མཁན་རིན་པོ་ཆེ་མཆོག དབུ་ཆོས་གསུམ། ཕྱག་མཛོད་བཅས་ཀྱིས་པཎ་ཆེན་རིན་པོ་ཆེ་མཆོག་གི་གཟིམ་ཆུང་ནས་སྐུ་པར་མཐོང་གྲོལ་རིན་པོ་ཆེ་གཙུག་ལག་ཁང་དུ་ སྤྱན་རྒྱ་སྤོས་སྣེ་དང་བཅས་གདན་ཞུ་གནང་སྟེ། སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་ལ་འཁོད་ མཚམས་སུ་སྐུ་མགྲོན་གཙོ་བོ་མཆོག་དང་༧སྐྱབས་རྗེ་མཁན་རིན་པོ་ཆེ་སོགས་ནས་མཎྜལ་རྟེན་ གསུམ་འདེགས་འབུལ་གནང་བ་དང་། རྒྱལ་སྲས་བླ་སྤྲུལ་ཁག བཀའ་རབ་འབྱམས་དགེ་བའི་བཤེས་གཉེན་རྣམ་པ། དགེ་འདུན་འདུས་མང་ཡོངས་ནས་༧ཀུན་གཟིགས་༧པཎ་ཆེན་རིན་པོ་ཆེའི་ཞབས་ བརྟན་གསོལ་འདེབས་གསུང་གནང་བ་སོགས་འཁྲུངས་སྐར་གྱི་མཛད་སྒོ་འཐུས་ཚང་ངང་སྲུང་བརྩི་ ཞུས་པ་དང་འབྲེལ། རིན་པོ་ཆེ་མཆོག་རྒྱ་དམར་གྱི་བཙོན་གནོན་ལས་མྱུར་དུ་གྲོལ་ཏེ། འགྲོ་བ་ཀུན་ གྱིས་ཁོང་གི་གསུང་གི་བདུད་རྩིའི་་དཔལ་ལ་ཅི་དགར་ལོངས་སུ་སྤྱོད་པའི་སྐལ་བཟང་དགའ་སྟོན་ལ་ རོལ་ཐུབ་པའི་སྨོན་འདུན་ཤུགས་དྲག་དང་བཅས།
འབྲས་སྤུངས་བློ་གསལ་གྲྭ་ཚང་ནས། །
ཕྱི་ལོ་ ༢༠༡༩ ཟླ་ ༤ ཚེས་ ༢༥ ཉིན་ཕུལ། །
