༄༅། །དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་གོ་སྒྲིག་འོག་དཔེ་ཁྲིད་རྒན་རྣམས་ཀྱིས་དགེ་ཚུལ་སློང་གི་བསླབ་བྱ་དང་སྒོ་གསུམ་གྱི་སྤྱོད་ལམ་རྣམ་བཞག་ཇི་ལྟར་བསྟེན་དགོས་མིན་སྐོར་འཆད་ཁྲིད་གནང་བ།
རྒྱལ་སྤྱིའི་དགེ་ལྡན་ལྷན་ཚོགས་ཀྱི་གྲོས་ཆོད་ནང་དོན་ལྟར་བཀའ་ཕེབས་དོན་ལྟར། ལོ་ལྟར་གྲྭ་ཚང་སོ་སོའི་གོ་སྒྲིག་འོག་དབྱར་གནས་སྐབས་ཁོངས་སོ་སོའི་བཀུར་འོས་དཔེ་ཁྲིད་རྒན་རྣམས་ནས་རང་ཁོངས་དགེ་ཚུལ་རྣམས་ལ་གནམ་རྩེ་ལྡེང་མ་དང་། དགེ་སློང་གི་བསླབ་བྱ་༸གོང་ས་༸སྐྱབས་མགོན་ཆེན་པོ་མཆོག་གི་གསུང་ཐུབ་དབང་ཞལ་ལུང་གི་སྟེང་ནས་སྒོ་གསུམ་གྱི་སྤྱོད་ལམ་རྣམ་བཞག་བསྟེན་སྟངས་དང་། སྤང་བླང་ཚུལ་བཞིན་གནང་དགོས་སོགས་ཀྱི་སྐོར་འཆད་ཁྲིད་དང་། ལམ་སྟོན་བཀའ་སློབ་གནང་དགོས་ཞེས་འཁོད་པའི་བཀའ་ཁྱབ་ལྟར། ཕྱི་ལོ་ ༢༠༢༢ ཟླ་ ༠༨ ཚེས་༣༡ནསདབུ་འཛུགས་གནང་སྟེ་འདི་ག་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་དང་གྲྭ་ཚང་གི་ཤེས་ཡོན་ཚོགས་ཆུང་གིས་གོ་སྒྲིག་འོག་དཔེ་ཁྲིད་རྒན་རྣམ་པས་བསྡུས་གྲྭ་ནས་མཛོད་གཉིས་པའི་བར་གྱི་རང་ཁོངས་དགེ་འདུན་པ་རྣམས་ལ་དགེ་ཚུལ་གྱི་བསླབ་བྱ་གནམ་རྩེ་ལྡེང་མ་དང་། དགེ་སློང་གི་བསླབ་བྱ་༸གོང་ས་༸སྐྱབས་མགོན་ཆེན་པོ་མཆོག་གི་གསུང་ཐུབ་དབང་ཞལ་ལུང་གི་སྟེང་ནས་སྒོ་གསུམ་གྱི་སྤྱོད་ལམ་རྣམ་བཞག་ཇི་ལྟར་བསྟེན་དགོས་མིན་སྐོར་འཆད་ཁྲིད་གནང་ཡོད། འཆད་ཁྲིད་གནང་མཁན་ཡང་། བླ་མ་གཞུང་ལེན་པ་ཏྲེ་ཧོར་དགེ་བཤེས་ཡེ་ཤེས་ཆོས་འཕེལ། ལྷོ་པ་དགེ་བཤེས་ཡེ་ཤེས་ལྷུན་འགྲུབ། གུ་གེ་དགེ་བཤེས་ཡོན་ཏན་གྲགས་པ། ཏྲེ་ཧོར་དགེ་བཤེས་ཚེ་རིང་ནོར་བུ། སྤོམ་ར་དགེ་བཤེས་མཁྱེན་རབ་སྤེན་པ། ཕུ་ཁང་དགེ་བཤེས་བློ་བཟང་རྒྱ་མཚོ། ཕུ་ཁང་དགེ་བཤེས་ངག་དབང་བསྟན་འཕེལ། ཏྲེ་ཧོར་དགེ་བཤེས་བྱམས་པ་དགེ་ལེགས། གོ་བོ་དགེ་བཤེས་བློ་བཟང་ཐར་འདོད། རྩེད་ཐང་དགེ་བཤེས་ཚུལ་ཁྲིམས་མཐར་ཕྱིན། ཕ་ར་དགེ་བཤེས་བསྟན་འཛིན་བསམ་འཕེལ། རྩེད་ཐང་དགེ་བཤེས་བསྟན་འཛིན་དཔལ་མཆོག །གཙང་པ་དགེ་བཤེས་ཕུན་ཚོགས་རབ་དགའ། ཕུ་ཁང་དགེ་བཤེས་བྱང་ཆུབ་ངག་དབང་སོགས་ཀྱིས་ཁང་ཚན་སོ་སོར་འཆད་ཁྲིད་གནང་ཡོད།
