གསར་འཕྲིན།

༄༅། །ཕྱི་ལོ་ ༢༠༡༩ ཟླ་ ༤ ཚེས་ ༢༥ ཉིན་དཔལ་ལྡན་འབྲས་སྤུངས་མཁས་མང་བློ་གསལ་གླིང་གྲྭ་ཚང་གིས་གོ་སྒྲིག་འོག་ྋཀུན་གཟིགས་༧པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་དཔལ་བཟང་པོ་མཆོག་སྐུ་འཁྲུངས་ནས་དགུང་གྲངས་སུམ་ཅུ་ལ་ཕེབས་པའི་སྐུའི་འཁྲུངས་སྐར་ སྲུང་བརྩི་ཞུས་པའི་མཛད་སྒོའི་སྐབས་སྐུ་མགྲོན་གཙོ་བོ་མོན་གྷོ་ས་གནས་འགོ་འཛིན་མཆོག་གི་སྐུ་ཚབ་གཞིས་ལས་ཁང་གི་རྩིས་པ་པ་སངས་དོན་འགྲུབ་མཆོག་དང་དཔལ་ལྡན་འབྲས་སྤུངས་མཁས་མང་བློ་གླིང་གྲྭ་ཚང་གི་༧སྐྱབས་རྗེ་མཁན་རིན་པོ་ཆེ་མཆོག དབུ་ཆོས་གསུམ། ཕྱག་མཛོད་བཅས་ཀྱིས་པཎ་ཆེན་རིན་པོ་ཆེ་མཆོག་གི་གཟིམ་ཆུང་ནས་སྐུ་པར་མཐོང་གྲོལ་རིན་པོ་ཆེ་གཙུག་ལག་ཁང་དུ་ སྤྱན་རྒྱ་སྤོས་སྣེ་དང་བཅས་གདན་ཞུ་གནང་སྟེ། སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་ལ་འཁོད་ མཚམས་སུ་སྐུ་མགྲོན་གཙོ་བོ་མཆོག་དང་༧སྐྱབས་རྗེ་མཁན་རིན་པོ་ཆེ་སོགས་ནས་མཎྜལ་རྟེན་ གསུམ་འདེགས་འབུལ་གནང་བ་དང་། རྒྱལ་སྲས་བླ་སྤྲུལ་ཁག བཀའ་རབ་འབྱམས་དགེ་བའི་བཤེས་གཉེན་རྣམ་པ། དགེ་འདུན་འདུས་མང་ཡོངས་ནས་༧ཀུན་གཟིགས་༧པཎ་ཆེན་རིན་པོ་ཆེའི་ཞབས་ བརྟན་གསོལ་འདེབས་གསུང་གནང་བ་སོགས་འཁྲུངས་སྐར་གྱི་མཛད་སྒོ་འཐུས་ཚང་ངང་སྲུང་བརྩི་ ཞུས་པ་དང་འབྲེལ། རིན་པོ་ཆེ་མཆོག་རྒྱ་དམར་གྱི་བཙོན་གནོན་ལས་མྱུར་དུ་གྲོལ་ཏེ། འགྲོ་བ་ཀུན་ གྱིས་ཁོང་གི་གསུང་གི་བདུད་རྩིའི་་དཔལ་ལ་ཅི་དགར་ལོངས་སུ་སྤྱོད་པའི་སྐལ་བཟང་དགའ་སྟོན་ལ་ རོལ་ཐུབ་པའི་སྨོན་འདུན་ཤུགས་དྲག་དང་བཅས། འབྲས་སྤུངས་བློ་གསལ་གྲྭ་ཚང་ནས། ། ཕྱི་ལོ་ ༢༠༡༩ ཟླ་ ༤ ཚེས་ ༢༥ ཉིན་ཕུལ། །

༈ རང་ཅག་རྣམས་ལ་བཀའ་དྲིན་མཚུངས་ཟླ་བླ་ན་མ་མཆིས་པ་འཛམ་གླིང་ཞི་བདེའི་དེད་དཔོན་ཆེན་པོ་༧སྤྱི་ནོར་༧གོང་ས་སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་སྐུ་ཚེའི་ཞབས་རིམ་དང་། བོད་བསྟན་སྲིད་སྤྱིའི་བདེ་དོན་དང་། འཛམ་གླིང་ཞི་བདེ། གྲྭ་ཚང་གི་ཁྲི་གདན་ཟུར་རྒྱལ་སྲས་བླ་སྤྲུལ་ཁག་དང་།

༄༅། །དེ་རིང་ཕྱི་ལོ་ ༢༠༡༧ ཟླ་བ་ ༠༧ ཚེས་ ༣༠ རེས་གཟའ་ཉི་མའི་ཉིན་གུང་ཆུ་ཚོད་ ༣།༠༠ པའི་ཐོག  མོན་གྷོ་འདོད་རྒུ་གླིང་བོད་མིའི་གཞིས་སྒར་ཁོངས་གདན་ས་ཆེན་པོ་གཉིས་ཀྱི་གྲྭ་ཚང་བཞི་དང་། གཞན་ཡང་རིས་མེད་དགོན་སྡེ་ལྔའི་ཕྱག་མཛོད།

༈ བོད་རྒྱལ་ལོ་ ༢༡༤༤ རབ་བྱུང་བཅུ་བདུན་པའི་མེ་བྱ་བོད་ཟླ་ ༤ པའི་ཚེས་ ༢༣ ཕྱི་ལོ་ ༢༠༡༧ ཟླ་བ་ ༠༦ ཚེས་ ༡༧ རེས་གཟའ་སྤེན་པ་ཉིན། དཔལ་ན་ལེནྜ་གཉིས་པར་གྲགས་པ་བྱེས་ཀྱི་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་ཡ་གྱལ་མཁས་མང་བློ་གསལ་བྱེ་བའི་གླིང་གྲྭ་ཚང་གི་འདུས་མང་སྟོང་ཕྲག་གདན་འཛོམས་པའི་དབུས་སུ་ད་བར་གྲྭ་ཚང་འདི་ཉིད་ཀྱི་ཆེད་དུ་ལོ་ངོ་ཧྲིལ་པོ་བཅུ་སོང་བ་དང་དང་དེ་ཡན་གྱི་སྲི་ཞུའི་ཞལ་འདེབས་བསྒྲུབས་དང་སྒྲུབ་བཞིན་པའི་ཨ་རིའི་ཨེ་མོ་རི་གཙུག་ལག་སློབ་གྲྭའི་སློབ་དཔོན་ཆེན་མོ་དགེ་བཤེས་བློ་བཟང་བསྟན་འཛིན་མཆོག་དང་། དེ་བཞིན་གནས་བརྟན་བགྲེས་སོང་གཙོས་སྲི་ཞུ་བ་སེར་སྐྱ་བརྒྱ་ཕྲག་བརྒལ་བ་ཞིག་ལ། འབྲས་བློ་གླིང་གྲྭ་ཚང་གི་ངོས་ནས་བཀའ་དྲིན་རྗེས་དྲན་དང་ཆེ་བསྟོད་ཞུས་ཤིང་། ཁོང་རྣམས་ལ་རིམ་པས་སྲི་ཞུའི་གཟེངས་བསྟོད་ཕྱག་ཁྱེར་དང་། ཐུགས་རྗེ་ལེགས་འབུལ་བཅས་འབུལ་གནང་གིས་མཛད་སྒོ་ཚོགས་ཡོད་པ་བཅས།།