དོགས་གཅོད།

བོད་རབ་བཅུ་བདུན་པའི་མེ་བྱ་བོད་ཟླ་ ༥ ཚེས་ ༨  དང་སྤྱི་ལོ་ ༢༠༡༧ སྤྱི་ཟླ་ ༧ སྤྱི་ཚེས་ ༡ ནས་ཉིན་བཞིའི་རིང་གཙུག་ལག་ཁང་གསར་པའི་ནང་དུ་འཛིན་དང་པོའི་དོགས་གཅོད་ཚོགས་ཤིང་།  བློ་གླིང་གྲྭ་ཚང་གི་སྔོན་བྱོན་སྐྱེས་མཆོག་སྡེ་སྣོད་གསུམ་ལ་སྦྱངས་པ་མཐར་ཐུག་ཡོད་པའི་མཁས་པའི་དབང་པོ་ཚོའི་བཞེད་སྲོལ་འཛིན་དང་པོའི་དོགས་གཅོད་ལོ་སྟར་ཆགས་ཚོགས་བཞིན་པ་དེ། དགེ་བཤེས་ལས་ཐོག་ཚོས་འགན་འཁུར་འོག་མཛོད་འདུལ་དང་། དབུ་མ། ཕར་ཕྱིན། དྲང་ངེས་ལེགས་བཤད་སྙིང་པོ། ཚད་མ་རྣམ་འགྲེལ། བཅས་ལ་དོགས་གཅོད་ཚོགས་བཞིན་ཡོད་ཅིང་། དོགས་གཅོད་ཚོགས་སྐབས་གྲྭ་ཚང་གི་མཁན་མཁན་ཟུར་དང་། དཔེ་ཁྲིད་དགེ་རྒན་རྣམ་པ་བཅས་གདན་འཛོམས་པའི་དབུས་སུ། ཚོགས་ལང་པ་གཉིས་དམ་བཅའ་བཞུགས་ཏེ། མཛོད་འདུལ་འཛིན་གྲྭས་མཛོད་འདུལ་གྱི་མུ་བཞི་ཆེན་མོ་ཟླ་བ་མང་པོའི་རིང་བཟོས་པ་དེ་མུ་བཞི་བསྒྲིག་ནས་རྩིས་སྤྲོད་པ་དང་སྦྲགས་དོགས་གཅོད་ཉིན་བཞིའི་རིང་གནང་ཡོད་པ་བཅས།

༄༅། །མཁས་མང་བློ་གླིང་གྲྭ་ཚང་གི་འཛིན་དང་པོའི་དོགས་གཅོད་ཐེངས་གསུམ་པ། བོད་རབ་བྱུང་བཅུ་བདུན་པའི་མེ་སྤྲེལ་ལོའི་བོད་ཟླ་ ༠༩ བོད་ཚེས་ ༠༩ དང་སྤྱི་ལོ་ ༢༠༡༦ སྤྱི་ཟླ་ ༡༡ སྤྱི་ཚེས་ ༠༨ ནས་ཉིན་བཞིའི་རིང་གཙུག་ལག་ཁང་གསར་པའི་ནང་དུ་འཛིན་དང་པོའི་དོགས་གཅོད་ཐེངས་གསུམ་པ་རྣམ་འགྲེལ་དང་བསང་སྔགས་ཀྱི་དོགས་གཅོད་དགེ་བཤེས་ལས་ཐོག་ཚོས་འགན་འཁུར་འོག་སླང་ཡང་ཚོགས་ཡོད་ཅིང་། བློ་གླིང་གྲྭ་ཚང་གི་སྔོན་བྱོན་སྐྱེས་མཆོག་སྡེ་སྣོད་གསུམ་ལ་སྦྱངས་པ་མཐར་ཐུག་ཡོད་པའི་མཁས་པའི་དབང་པོ་ཚོའི་བཞེད་སྲོལ་འཛིན་དང་པོའི་དོགས་གཅོད་འདི་ཡང་ལོ་སྟར་ཚོགས་བཞིན་ཡོད་པ་རེད། དོགས་གཅོད་ཚོགས་སྐབས་གྲྭ་ཚང་གི་མཁན་ཟུར་དང་། དཔེ་ཁྲིད་དགེ་རྒན་རྣམ་པ་བཅས་གདན་འཛོམས་པའི་དབུས་སུ། དོགས་གཅོད་ཉིན་བཞི་རིང་གནང་ཡོད་པ་བཅས། 

༄༅། །མཁས་མང་བློ་གླིང་གྲྭ་ཚང་གི་འཛིན་དང་པོའི་དོགས་གཅོད་ཐེངས་གཉིས་པ། བོད་རབ་བཅུ་བདུན་པའི་མེ་སྤྲེལ་བོད་ཟླ་ ༠༨ བོད་ཚེས་ ༡༨ དང་སྤྱི་ལོ་ ༢༠༡༦ སྤྱི་ཟླ་ ༡༠ སྤྱི་ཚེས་ ༡༨ ནས་ཉིན་བཞིའི་རིང་གཙུག་ལག་ཁང་གསར་པའི་ནང་དུ་འཛིན་དང་པོའི་དོགས་གཅོད་ཚོགས་ཤིང་། བློ་གླིང་གྲྭ་ཚང་གི་སྔོན་བྱོན་སྐྱེས་མཆོག་སྡེ་སྣོད་གསུམ་ལ་སྦྱངས་པ་མཐར་ཐུག་ཡོད་པའི་མཁས་པའི་ དབང་པོ་ཚོའི་བཞེད་སྲོལ་འཛིན་དང་པོའི་དོགས་གཅོད་ལོ་སྟར་ཆགས་ཚོགས་བཞིན་པ་དེ། དགེ་ བཤེས་ལས་ཐོག་ཚོས་འགན་འཁུར་འོག་དབུ་མ། ཕར་ཕྱིན། དྲང་ངེས་ལེགས་བཤད་སྙིང་པོ། བཅས་ལ་དོགས་གཅོད་ཚོགས་བཞིན་ཡོད་ཅིང་།དོགས་གཅོད་ཚོགས་སྐབས་གྲྭ་ཚང་གི་མཁན་ཟུར་དང་།དཔེ་ཁྲིད་དགེ་རྒན་རྣམ་པ་བཅས་གདན་འཛོམས་པའི་དབུས་སུ།དོགས་གཅོད་ཉིན་ལྔའི་རིང་གནང་གི་ཡོད། དབུ་མའི་སྐབས་དབུ་མ་དགོངས་པ་རབ་གསལ་གཙོ་བོར་བཟུང་སྟེ། རྗེ་ཡི་གསུང་དབུ་མའི་གཞུང་ཆེན་ཁག་གི་དཀའ་གནད་དང་འགལ་འདུ་ཁག་དབུ་མ་འཛིན་གྲས་དོགས་འདྲི་ཞུས་མཚམས།མཁས་དབང་དཔེ་ཁྲིད་རྒན་སུས་བཀའ་ལན་གནང་ཀྱང་། དེ་ལ་དོགས་འདྲི་ཞུ་བ་པོ་དང་དེའི་གཙོས་དབུ་མ་འཛིན་འཛིན་གྲྭའི་སློབ་གཉེར་བ་ཚོས་རིགས་ལམ་ཐོག་དགག་གཞག་གི་རྩོད་གླེང་ཉིན་གཉིས་རིང་གནང་དགོས་ཤིང་།ཕར་ཕྱིན་སྐབས་མདོ་སྔགས་རབ་འབྱམས་པ་པཎ་ཆེན་བསོད་ནམས་གྲགས་པའི་ཡིག་ཆ་གཙོ་བཟུང་གིས་ཉིན་གཉིས་རིང་དང་། དྲང་ངེས་ལེགས་བཤད་སྙིང་པོ་ལ་ཉིན་གཅིག་རིང་དོགས་གཅོད་གནང་དང་གནང་བཞིན་པ་བཅས།

བོད་རབ་བཅུ་བདུན་པའི་མེ་སྤྲེལ་བོད་ཟླ་ ༥ བོད་ཚེས་ ༨ དང་སྤྱི་ལོ་ ༢༠༡༦ སྤྱི་ཟླ་ ༧ སྤྱི་ཚེས་ ༡༡ ནས་ཉིན་བཞིའི་རིང་གཙུག་ལག་ཁང་གསར་པའི་ནང་དུ་འཛིན་དང་པོའི་དོགས་གཅོད་ཚོགས་ཤིང་།  བློ་གླིང་གྲྭ་ཚང་གི་སྔོན་བྱོན་སྐྱེས་མཆོག་སྡེ་སྣོད་གསུམ་ལ་སྦྱངས་པ་མཐར་ཐུག་ཡོད་པའི་མཁས་པའི་དབང་པོ་ཚོའི་བཞེད་སྲོལ་འཛིན་དང་པོའི་དོགས་གཅོད་ལོ་སྟར་ཆགས་ཚོགས་བཞིན་པ་དེ། དགེ་ བཤེས་ལས་ཐོག་ཚོས་འགན་འཁུར་འོག་མཛོད་འདུལ་དང་། དབུ་མ། ཕར་ཕྱིན། དྲང་ངེས་ལེགས་བཤད་སྙིང་པོ། ཚད་མ་རྣམ་འགྲེལ། བཅས་ལ་དོགས་གཅོད་ཚོགས་བཞིན་ཡོད་ཅིང་། དོགས་གཅོད་ཚོགས་སྐབས་གྲྭ་ཚང་གི་མཁན་མཁན་ཟུར་དང་།དཔེ་ཁྲིད་དགེ་རྒན་རྣམ་པ་བཅས་གདན་འཛོམས་པའི་དབུས་སུ། ཚོགས་ལང་པ་གཉིས་དམ་བཅའ་བཞུགས་ཏེ། མཛོད་འདུལ་འཛིན་གྲྭས་མཛོད་འདུལ་གྱི་མུ་ བཞི་ཆེན་མོ་ཟླ་བ་མང་པོའི་རིང་བཟོས་པ་དེ་མུ་བཞི་བསྒྲིག་པ་དང་སྦྲགས་དོགས་གཅོད་ཉིན་བཞིའི་རིང་གནང་གི་ཡོད། དབུ་མའི་སྐབས་དབུ་མ་དགོངས་རབ་གསལ་གཙོ་བོར་བཟུང་སྟེ། རྗེ་ཡི་གསུང་དབུ་མའི་གཞུང་ཆེན་ཁག་གི་དཀའ་གནད་དང་འགལ་འདུ་ཁག་དབུ་མ་འཛིན་གྲས་དོགས་འདྲི་ཞུས་མཚམས། མཁས་དབང་དཔེ་ཁྲིད་རྒན་སུས་བཀའ་ལན་གནང་ཀྱང་། དེ་ལ་དོགས་འདྲི་ཞུ་བ་པོ་དང་དེའི་གཙོས་ དབུ་མ་འཛིན་འཛིན་གྲྭའི་སློབ་གཉེར་བ་ཚོས་རིགས་ལམ་ཐོག་དགག་གཞག་གི་རྩོད་གླེང་ཉིན་གཉིས་ རིང་གནང་དགོས་ཤིང་། ཕར་ཕྱིན་སྐབས་མདོ་སྔགས་རབ་འབྱམས་པ་པཎ་ཆེན་བསོད་ནམས་གྲགས་པའི་ཡིག་ཆ་གཙོ་བཟུང་གིས་ཉིན་གཉིས་རིང་དང་། དྲང་ངེས་ལེགས་བཤད་སྙིང་པོ་ལ་ཉིན་གཅིག་རིང་དོགས་གཅོད་དང་། རྣམ་འགྲེལ་སྐབས་རྣམ་འགྲེལ་ཐར་ལམ་གསལ་བྱེད་དང་། རྣམ་འགྲེལ་དགོངས་པ་རབ་གསལ་གཉིས་ལ་དོགས་གཅོད་ཉིན་གཉིས་རིང་གནང་བ་གནང་གི་ཡོད་ཅིང་།  ཕར་ཕྱིན་དང་། ལེགས་བཤད་སྙིང་པོ། ཚད་མ་རྣམ་འགྲེལ་བཅས་ལ་དོགས་གཅོད་མཛད་སྟངས་ནི་དབུ་མའི་སྐབས་ལྟར་གཅིག་མཚུངས་ཡིན་ནོ།

སློབ་གཉེར་བ་ཚོས་གཞུང་ལུགས་ཆེན་མོ་གང་དང་གང་ལ་ཐོས་བསམ་བྱེད་པའི་ཚེ་ཡང་དག་པར་རྫོགས་པའི་སངས་རྒྱས་ནས་རྩ་བའི་བླ་མའི་བར་གདམས་པ་བར་མ་ཆད་པ། བྱིན་རླབས་ཀྱི་དྲོད་མ་ཡལ་བའི་ཆེད་རང་རང་གང་ལ་དད་པའི་མཚན་ལྡན་དགེ་བའི་བཤེས་གཉེན་གྱི་ཞབས་རྡུལ་གཙུག་ཏུ་བཀུར་ཏེ་བསམ་སྦྱོར་གཉིས་ཀྱི་སྒོ་ནས་ཚུལ་བཞིན་དུ་བསྟེན་ཏེ་དཔེ་ཁྲིད་ཞུས་ཏེ་ཇི་ལྟར་ཐོས་པའི་དོན་རྣམས་ཆོས་རའི་ནང་འཛིན་གྲྭ་གཅིག་པ་རྣམས་དང་ལྷན་དུ་རྒྱབ་རྟེན་གྱི་ལུང་དང་ཡང་དག་པའི་རིགས་པས་ལེགས་པར་གཏན་ལ་ཕབ་སྟེ་བསམ་པས་སྒྲོ་འདོགས་གཅོད་དགོས། དེ་ཡང་གཞུང་ཆེན་ཁག་གི་ཆེས་ཤིན་ཏུ་དཀའ་བའི་གནད་རྣམས་དང་། གཞུང་ཆེན་མོ་རྣམས་ཕན་ཚུན་ཚིག་ཟིན་མི་མཐུན་པ་དང་། མཛད་པ་པོ་གཅིག་གི་གསུང་ལ་ཡང་གོང་འོག་མི་མཐུན་པ་ལྟ་བུའི་སྣང་བ་བྱུང་བ་དང་དགོངས་པ་མཆོག་ཏུ་ཟབ་པ། དཀའ་སའི་ནང་ནས་ཆེས་དཀའ་བའི་གནད་རྣམས་དོགས་པའི་ཆ་ཕྲ་མོ་ཙམ་མ་ལུས་འབྱིན་པའི་ཕྱིར། ལོ་དེའི་དགེ་བཤེས་ལས་ཐོག་པ་རྣམས་ཀྱིས་འགན་ཁུར་རྐང་ལེན་གྱིས་གཞུང་ཆེན་སོ་སོའི་དཔེ་ཁྲིད་དུས་ཐོག་གང་ཡིན། དགེ་སྐོས་ལ་སྙན་གསེང་ཞུས་ཏེ་དགེ་སྐོས་ནས་གྲྭ་མང་ལ་བརྡ་ལན་གནང་ནས་སློབ་གཉེར་བ་ཚོས་ཀྱང་དོགས་གཅོད་གྲ་སྒྲིག་གནང་དགོས། དེ་ནས་གྲྭ་ཚང་འདི་ཉིད་ཀྱི་ཁོངས་སུ་ གཏོགས་པའི་འཇམ་མགོན་རྒྱལ་བའི་གདུང་འཚོབ་དགའ་ལྡན་ཁྲི་རིན་པོ་ཆེ། ཤར་བྱང་གི་ཆོས་རྗེ་རྣམ་པ། མཁན་ལས་ཟུར། ཡོངས་ཀྱི་དགེ་བའི་བཤེས་གཉེན་ཆེན་པོ་རྣམས་དང་བཅས་པ་རེ་རེའི་དྲུང་དུ་ཕུར་ཚུགས་གསོལ་འདེབས་ཀྱིས་གདན་དྲངས་ཏེ་རྒྱན་དྲུག་མཆོག་གཉིས་ལྷན་ཅིག་ཏུ་ཆོས་ཀྱི་དགའ་སྟོན་ལ་གདན་འཛོམས་པ་ལྟ་བུའི་དབུས་སུ། ཐོག་མར་སྐྱབས་འགྲོ་སེམས་བསྐྱེད་དང་། འཇམ་དཔལ་མཚན་བརྗོད་ཆོས་ཀྱི་རྒྱལ་མཚན་ལེགས་པར་འཛུགས་ཞེས་ཚིག་མཚམས་སུ་བཞག་ནས་གྲྭ་མང་ནས་དོགས་གཅོད་ཞུ་དགོས། དོགས་གཅོད་ཞུ་བ་པོས་དོགས་པ་ཞུ་སའི་གཞུང་དེའི་ཤོག་གྲངས་དང་བཅས་པ། ལུང་གང་ཞིག་དང་། དེ་དང་འགལ་བའི་ལུང་དེ་དྲངས་ནས་དོགས་པ་ཞུས་པ་དང་། ལུང་གང་ཞིག་གི་དགོངས་པ་གཞིར་བཞག་ཚེ་རིགས་པ་འདི་དང་འགལ་ཞེས་དོགས་གཅོད་ཞུ་དགོས་ཤིང་། མཁས་པའི་དབང་པོ་རྣམས་ཀྱིས་དོགས་གཅོད་ དྲི་བ་ལ་ལན་འདེབས་གནང་དགོས། དོགས་གཅོད་ཞུ་བ་པོ་ས་ལན་ལ་དྲི་མ་མེད་པའི་རིགས་ལམ་གྱིས་བརྒལ་བརྟག་དཔྱིས་ཕྱིན་པར་བྱ་དགོས། ཡང་མཁས་དབང་གཞན་དང་གཞན་གྱིས་གསུང་ལན་འདེབས་གནང་བས་དོགས་པའི་གནས་ཆ་ཕྲ་མོ་ཙམ་མ་ལུས་པ་སུན་འབྱིན་པ་དང་། གཞུང་གང་དང་གང་ཡིན་གྱི་དོགས་པ་ཟབ་ཅིང་ཕྲ་བ་རྣམས་ལག་མཐིལ་དུ་སྐྱུ་རུ་ར་བཞིན་གསལ་བར་མཛད་པས་བློ་གསལ་གླིང་གི་འཛིན་དང་པོ་ལ་རྣམ་མཁྱེན་ཡོད་ཅེས་བཤད་སྲོལ་ཡང་དེ་ལ་བརྟེན་ནས་བྱུང་བ་ཡིན། ཡང་དོགས་པ་ཞུ་སའི་གཞུང་ལ་ཡིག་ནོར་ལྟ་བུ་ཞིག་ཡོད་ཚེ་གཞི་བཅལ་སའི་མ་ཕྱི་དག་པ་ཞིག་མེད་ཚེ། ཁ་རྒྱུན་ལ་ཡོད་པར་བྱས་ཤིང་ལག་པ་རིང་མི་ཆོག་ཅེས་པའི་ཚོགས་གཏམ་གྱི་རྒྱུན་ཡོད། དོགས་གཅོད་ཀྱི་གཞུང་། རྣམ་འགྲེལ་དགོངས་པ་རབ་གསལ། དབུ་མའི་ཡིག་ཆ་སྤྱི་མཐའ་དཔྱོད། ཕར་ཕྱིན་ཡིག་ཆ་སྤྱི་མཐའ་དཔྱོད། འདུལ་བའི་མཐའ་དཔྱོད། མཛོད་ཤེས་བྱ་རབ་གསལ་གཞིར་བཞག་དགོས་ཤིང་། ལེགས་བཤད་སྙིང་པོའི་དོགས་གཅོད་ཉི་མ་གཅིག་དང་། ཕར་ཕྱིན། དབུ་མ། རྣམ་འགྲེལ་བཅས་ནི་ཉི་མ་གཉིས་རེ་དང་། འདུལ་མཛོད་དོགས་དཔྱོད་ནི། འདུལ་མཛོད་གཉིས་ཀྱི་ཚོགས་ལངས་དམ་བཅའ་གྲྭ་ཚང་དུ་བཞག་ཟིན་པའི་ཉིན་གཉིས་པར་མུ་བཞི་ཆེན་མོ་རྩིས་སྤྲོད་དང་དེའི་ཕྱི་ཉིན་དོགས་གཅོད་ཚོགས་དགོས།