བོད་རྒྱལ་ལོ་ ༢༡༥༡ ཟླ་བ་ ༦ པའི་ཚེས་ ༡༧ དང་། ཕྱི་ལོ་ ༢༠༢༤ ཟླ་ ༨ ཚེས་ ༢༡ རེས་གཟའ་ལྷག་པ་ཉིན་གངས་ཅན་གྱི་དཔལ་ནཱ་ལནྡཱ་གཉིས་པ་ཆོས་སྡེ་ཆེན་པོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོའི་བློ་རྒྱུགས་དབུ་འཛུགས་གནང་ཡོད་ཅིང་། དེ་ཡང་སྔར་སྲོལ་བཞིན་འདི་ལོའི་ལོ་འཁོར་རྒྱུགས་སྤྲོད་དུ་དངོས་སུ་ཞུགས་དགོས་པའི་སློབ་གཉེར་བ་ཉམ་ཐག་ནད་པ་དང་གྲྭ་ཚང་གི་ལས་སྣེ་འཁེལ་བ་འགའ་རེ་མ་གཏོགས་སློབ་གཉེར་བ་ཞལ་གྲངས་༼༨༩༢༽ལོ་འཁོར་རྒྱུགས་སྤྲོད་དུ་ཞུགས་ཡོད། ཕྱི་ཚེས་ ༢༧ ནས་བཟུང་ཞོགས་པ་ཆུ་ཚོད་ ༨ པ་ནས་ ༡༡ དང་། ཉིན་རྒྱབ་ཆུ་ཚོད་ ༢ པ་ནས་ ༥ པའི་བར། དགོང་མོའི་ཆུ་ཚོད་ ༦ པ་ནས་ ༩ པའི་རྩོད་རྒྱུགས་བླངས་ཡོད་པ་དང་། རྒྱུགས་སྤྲོད་མཁན་གྲྭ་ཚང་གི་འཛིན་གྲྭ་ ༡༦ ཡོད་པ་རྣམས་རྩོད་རྒྱུགས་འཛིན་གྲྭ་གཉིས་རེ་བྱས་ཁག་བརྒྱད་ལ་བགོས་ཡོད། ཚོགས་ཡུན་རེ་ལ་འཛིན་གྲྭ་རེ་ནས་ཞལ་གྲངས་ ༡༢ རེས་རྒྱུགས་སྤྲོད་ཐུབ་ཀྱི་ཡོད་པ་དང་། ཚོགས་ཡུལ་གསུམ་ནས་ཉིན་མ་གཅིག་ལ་ཞལ་གྲངས་ ༣༦ …
